Сен тұр - мен айтайын!

Былықтың бәрін өз қолымызбен жасап жатқанымызды, әй, білмейміз-ау...

  • Былықтың бәрін өз қолымызбен жасап жатқанымызды, әй, білмейміз-ау...

    Былықтың бәрін өз қолымызбен жасап жатқанымызды, әй, білмейміз-ау...

Бар кінәні басқаға артып, өзіміз қашан да сүттен ақ болғымыз келеді. Ал түп негізінде былықтың бәрін өз қолымызбен жасап жатқанымызды, әй, білмейміз-ау...

.

Біреуден бірдеңені талап етпес бұрын, оны алдымен өзіңнен тап!


Билік қазақша сөйлесін десең, ең алдымен қоғамдық орындарда тек қазақ тілінде қарым-қатынас жаса: Банкомат тілін қазақша таңда. Қазақсың ғой, қазақпен қазақша сөйлес! Ал басқалардан қазақша сұра, талап ет! Балаңды қазақша балабақшаға бер!

.

Балаңа баға (білім) сатып әперу арқылы бәрін ақшамен алуға болады деген түсінікке үйретіп жатқаныңды түсін! "Кресло сатып алғыштардың" сондайдан пайда болады!

.

Кез келген мұратқа таза білім, адал еңбекпен ғана жетуді үйрет. Сонда ел басқаруға тек білімділер, xалқына адал қызмет ететіндер келеді!

.

Жол ережесін бұздың ба, пара бермей, айыппұл төле. Әйтпесе сен де парақордың бірісің!

.

Дәрігерге өкпелегенше, түк білмейтін балаңды мед.университетке пара беріп оқуға түсірме. Шын білімдінің жолын кеспей, өз ісіңді тап!

.

Аш қалса да, балаңды жеңіл табысқа әуес қылма, біреуге жәудіретпей еңбекке баулы! Сонда ертең сен сияқты кредитке тәуелді боп бейшара тұрмыс кешпейді. Тұрмысы үкіметке байланбайды.

.

Тек Аллаға ғана сен! Сонда тағы бір Қосановқа алданбайсың!

.

Өз басыңды емес, айналаңды - досыңды, бауырыңды ойла, оларға қамқор бол! Сонда ертең ел қамын ойлайтын ұрпақ өседі!

.

Үйде отырып батыр болма! Әйтпесе мықтылығы тек қақпа ішінде жүретін шәуілдек иттен айырмаң қалмайды. Батырлық сөзбен емес, қашанда іспен көрінетінін өзің де білесің.

.

Үйде отырып біреуді жамандама, басқаның сыртынан ғайбат айтпа. Бір біріне жау болған қазақтар солай тәрбиеленіп жатыр. Жақсыны айт, жақсыны үлгі қылуды үйрен!

.

Ұлыңмен жақын бол, сырлас, ойын тыңда. Сонда оның өзіндік пікірі, көзқарасы қалыптасады, ойын ашық жеткізетін болады. Біреудің айтқанымен жүріп, айтаққа ермейді!

.

Ертең ел басына күн туғанда ұлтын қорғар ұл өссін десең, қазірден бастап оның бойына ұлттық құндылық, дәстүрлі өнерді сіңір. Қарашы, Отанын сатқандардың бәрі - ұлттық қасиет пен сипаттан жұрдай өңшең дүбәра!

.

Мемлекеттік қызметте отырсаң, басшы мен қара xалықтың айтысын тамашаламай, сен де жүрісіңді өзгерт! Көп нәрсе саған байланысты!

.

Осылай жалғастыра беруге болады. Айтпағымды түсіндің. Бір арнада үш сағат жүретін ана бір болмай кеткен бағдарламаны жамандайтын, сөйте тұра соны өзі көретін екіжүзділік қасиетпен күресу керек. Әйтпесе, көшеге шығып, даурығудың бәрі бос! Қалай десек те, билік - біздің айнамыз! Уақытқа қара, өмірің өтіп жатыр... 


Ертай Нүсіпжанов

Фейсбуктегі парақшасынан




Көрілген: 2149    Пікірлер: 0

жұма, 14.06.2019, 12:39

Достарыңмен бөліс:

2
  • СОҢҒЫ ЖАРИЯЛАНЫМДАР:
    5 Қыркүйек, 10:28
    Мейрамбек синдромы...
    3 Қыркүйек, 23:07
    Нағыз харами-поза
    2 Қыркүйек, 12:58
    «АНАНЫ ҚАРА, АНАЛИЗ!»
    1 Қыркүйек, 12:33
    Уақыт неткен қатал...
    20 Тамыз, 11:50
    Ислам және қисын

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30