Еркектігін сонымен өлшеп не басына күн туған бұларға?

19 мамыр 2021, 10:07

ОҚШАУ ОЙ

“Өгей әкесі зорлаған”, “туған жездесі төсекке сүйреген”, “бөлесі жыныстық қатынас жасаған”... Өзімен қатар әйел затына емес, пәлен жас кішіге - балаға қорлық көрсетіп жатыр. Еркек біткеннің жартысы - өз жақынына ана, жар, қарындас, әпке деп қарап, қалған әйел затын тек ұрғашы санайтын текесақал, жартысы - әскерге жарамайтын майтабан, тағы біразы - ез, енді бір бөлігі - қатын құсаған салғыласқыш, ұсақ... Тағы біразы - алаңда қатын мен қарт сүйрегіш. Суайты мен жылпылдақ жағымпаз жылпосы - ірі қызметте, ондайлардың туабітті рухани мүгедек екені тек жоғарылағанда білінеді. Диагнозы: керең, мылқау, соқыр. Мылқау болмаса, дауысын естір ек, керең болмаса халықтың үніне құлақ салар еді, соқыр болмаса, үйінің қасында бауыздап кеткен қазақ жігітінің құнын даулар еді бір жылдан бері... Жоқ, әлде атқамінердің бауыры өлтіріліп, қызы мен қарындасы зорлануы керек пе? Әлсізге әлімжеттік көрсетуге шамасы келіп, бұтындағы жұмыртқасын қайда сыйғызарын білмей, еркектігін сонымен өлшеп не басына күн туған бұларға? Азаматы қайда? Намысты жігіті жоқ жағасыз елге неге айналдық?

Айгүл Болатханқызы

Фейсбуктегі парақшасынан