Сен тұр - мен айтайын!

Қабірдің басында қадірді қашырмасын десек, бала туып қана қоймай, адам жасау керек.

  • Қабірдің басында қадірді қашырмасын десек, бала туып қана қоймай, адам жасау керек.

    Қабірдің басында қадірді қашырмасын десек, бала туып қана қоймай, адам жасау керек.

Екі күн қатарынан екі түрлі жаназада болдым. Қазаның екеуі де Алласын танып, адамға сыйлы болған, әулетін реттеп, еңбегі еліне артылған кісілер. Алла рақымына алсын. Не үшін екі түрлі дедім?.. Біріншісі бала-шағасын бұл дүниенің байлығымен баққан, екіншісі ұл-қызына екі дүниенің азығын берген. Бірі дүние қалдырды, бірі дін қалдырды. Айырмасы көк пен жердей. Алдыңғысы әкесінің мәйіті жерге кірмей мүлкіне таласты, кейінгісі өлі-тіріге пайдасы тисін деп, молдаға “Мүлік” сүресін оқытты. Арғысы мұрнын көкке шүйіріп жанына шаң жуытпай тұр, бергісі жүзін төмен салып, қабірге топырақ тастап жүр. Ойландым. Балам риза болсын деп ауызын толтырамыз, Аллам риза болсын деп парызын үйретпейміз. Қалағанын қалтаға қарамай, сұрағанын саудаға келмей әперіп жатырмыз. Ютуб өсірген талғамын қанағаттандыра алмай әлекпіз. Бала шағын гүл қыламыз деп, болашағын күл қылып жатқандаймыз. Абайлау керек. Бүгін Алласын танытпасаң ертең әкеңді танытатын ұрпақ шықпасына кім кепіл? Дүкеннен келсең қолыңа қарайтын емес, қабағыңа қарайтын ұрпақтан жақсы адам шығады. Асын “бісмілләмен” бастап, соңын шүкірмен аяқтаса, жаңа затқа алданбайтын, ескі затқа ренжімейтін болса, жыртылған жерін жамап, бұзылған ойыншығын жөндеп үйренсе тәрбиенің төресі. Ал, “Алла қарап тұр”, “Алла ұнатпайды”, “Алла риза болады”, “Алла қуанады” - деп үйрету тәлімнің ең үлкені. Осы сөздерден кейін оның өзі-ақ Алланы іздей бастайды. Қартайған шақта қарайлассын десек, Қабірдің басында қадірді қашырмасын десек, бала туып қана қоймай, адам жасау керек. Одан басқа “әкенің малы балаға мал болмайды”. Жақсы ұрпақ қалдырсақ жарқын болашаққа сене беремін! Көбейіңіздер, көбейтіңіздер!

www.facebook.com парақшасынан 




Көрілген: 3014    Пікірлер: 0

жексенбі, 26.07.2020, 18:20

Достарыңмен бөліс:

  • СОҢҒЫ ЖАРИЯЛАНЫМДАР:
    21 Қыркүйек, 10:15
    Мұндай еркек мүлде жоқ...
    11 Қыркүйек, 13:08
    АҚЫН ЕМЕС, ҚАТЫН КЕРЕК...

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30