Сен тұр - мен айтайын!

Күзетшілер мас араның аяқтарын сындырып тас­тайды екен

  • Күзетшілер мас араның аяқтарын сындырып тас­тайды екен

    Күзетшілер мас араның аяқтарын сындырып тас­тайды екен

МАС АРАНЫҢ ЖАЗАСЫ


Мысыр елінің ғалым­дары өткен жылы жақсы жаңалық ашты. Бұның ашылуына қасиетті кітап Құранның «Нақыл» сү­ресінің 68-ші аятында ай­­тылғандай «Араның қарындарынан түрлі-түсті сұйықтық шығады. Онда адамдар үшін ши­па бар...» деген илаһи үкім себеп болды депті мысырлық оқымысты Әл-Азхар университетінің профессоры Ато ас-Сын­бати. Жоғарыдағы аят жайлы «Тафсир Муяссар» атты кітапта «Араның қарындарынан шығатын түрлі-түсті сұйықтық де­геніміз – бал. Ол адамдар үшін дертке – шипа, тәнге – саулық» деп тәп­сірлеген екен.


Сонымен бал арасы­ның омартасын үзбей 30 жыл бақылап, аралардың жүріс-тұрыс, қимыл-қоз­ғалысын зерттеген ға­лымдар мынаны анық­таған: омартадан ұшып шығып, бал жинауға ат­танған жұмысшы ара кейбір жағдайда уақыты өткендіктен шырыны ашы­­ған өсімдікке кез­десіп қалады да, нәрлі бөлігі быжығандықтан пайда болатын этанол (ethanol) сияқты ма­сай­татын есірт­кі затына тұмсығын батыра­ды. Сөй­тіп өзі мас болып қа­ла­ды. Онымен қоймай ма­сайтқыш затты омар­таға алып келеді. Себебі масайған ара ға­лымдар анықтағандай, 48 са­ғатқа дейін толық айық­пайды екен.


Бір қызығы, зиянды зат әкелген араны күзетші аралар жабыла қуалап омартаға жолатпайды. Бір жағынан ана мас не­ме де қақпаны бұзып кір­мек­ке ентелейтін кө­рі­­не­ді. Мұндай сәтте ар­­найы дыбыстық дабыл қа­ғылып, барлық күзет­шілер мас араға жа­бы­лып, оны аямай соқ­қыға жығады. Соққы ал­ған араның омартада еш­қан­дай беделі болмайды.­ Ызыл­дап жалғыз өзі ұшып жүреді.


Егер де әлгі ара мас­тығынан толық айықса, омартаға кіруіне рұқсат беріледі және оның бо­йында улы заттың әсері бар ма, жоқ па тексеріледі. Бұл жағдай тағы қайта­ланса, күзетшілер оның аяқтарын сындырып тас­тайды екен. «Мас ара әкел­ген есірткі омар­та­да­ғы балды бұзып, оның улануына әкелетіндіктен, осылай қатаң жазалануда, яғни жоғарыда Құранда айтылған «адамдар үшін шипа бар» деген аят үкімі мүлтіксіз орындалуда» деген тұжырым жасапты мысырлық ғалымдар.


Бекен Кайратулы

Фейсбуктегі парақшасынан




Көрілген: 1134    Пікірлер: 0

дүйсенбі, 27.05.2019, 11:53

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31