Олардан тек шибұт әнші ғана шығады...

25 шілде 2021, 16:47

ОҚШАУ ОЙ

Намыстан басқа түгім де жоқ. Ал намыстың серігі - ұят, ар-ұждан. Өзім өлген соң итіме де керегі жоқ дүние-байлыққа байланбағанмын. Өз баламнан спортшы жасай алмаған соң үйде отырып “неге алтын алмады”, “пәленнің ұлты басқа, қазақ болса өйтпес еді” деген оттаубай түсініктен адамын. Төккен тер, еткен еңбектің жемісін көрсе екен Елдостар мен Ольгалар… Өз балаңды 3-4 жасынан үйірмеден-үйірме қоймай сүйресең, үлкен спортқа баулысаң ешкімге ешкім қой деген жоқ. Сондықтан да жатып алып ұлттық намыс туралы айтқан әңгіме өтпейді.
Біреулер шешесінің көп құрсақ көтергенін айтып езуін кереді. Өзі не бітіріп жүр? Таптыр, тап, намысты, еңбекқор ғып өсір. Кім қой дейді? Әйелдің ең нашарының қолынан бала туу, сол баласын шексіз жақсы көру келеді. Кісі үйінің еденін жуса да, о баласын аш қалдырмайды және де. Ал сен не бітірдің? Әлгі үйінде жатып намыс туралы айтып кіжінген еркекті айтам. Азаматты емес, еркекті. Ал еркек көп қой. Әскер көрмеген жігіттер де ұсақ, желсөзге әуес. Салғыласуға қоя бер. Олардан тек шибұт әнші ғана шығады. Дәстүрлі емес, есер әнші. Солай. Менің түсінігім солай. Өзгеде шаруам жоқ.

Айгүл Болатханқызы

Фейсбуктегі парақшасынан