Сен тұр - мен айтайын!

Осы пендешілік мінез қазақтың түбіне жетпей қоймас

  • Осы пендешілік  мінез қазақтың түбіне жетпей  қоймас

    Осы пендешілік мінез қазақтың түбіне жетпей қоймас

Осы пендешілік мінез қазақтың түбіне жетпей қоймас. Кімнің жүрегі бүтін дейсіз бүгінде. Қайсымызды түртіп қалсақ, ар жағымыздан өзге  түгілі, өзімізге  мойындамайтын  жараның  беті тырналып  шыға келеді. Сөйте тұра басқаның мініне, басқаның қайғысына бір жерімізді  ашып күлеміз ау. Ертең өз басымызға келмейтіндей. Періште тек көкте ғана екенін естен шығарып алып  жатамыз.

Журналистік қызметімде де, одан кейінгі жылдарда да, талай тағдыр иелерімен тілдестім. Әр қайсысының тағдыры бір кітапқа жүк боларлық хикая. Қолымнан елгенше, болмағанда, сөз жәрдемімді беруге тырыстым.

Адам үш күннен соң көрге де үйренеді деген рас сөз екен. Ит жанды адам баласы-  тағдырдың қандай тауқіметі болса да төселеді екен. Жігері мықтылар бұл күресте жеңеді. Жігері жоқтары мойынсұнады.

Өзім де бір адамға жетерлік өмірдің емтихандарымен күресіп келемін. "Ай осы жолы құлағанымнан енді тұра алмайтын шығармын", - дегенімде, жаратқанға мың шүкір, әйтеуір бір от алыстан жыл етіп тұрғызады ғой.

Байқағаным әйел адамдар 40 жанды деген сөздің растығы екен. Жылап- жылап бір босап, басымызды тік көтеріп, түк болмағандай күліп жүре береміз.

Ал бұл жағдайда ер-азаматтарға қиыныр-ақ. Кейде аяп кетемін ғой сол кісілерді. Іштей тынады. Іштей бәрін жұтады. Оларға жылауға болмайды. Ол аз десе қасындағы жарын, қызын жұбату керек.  Өзінің жарасы қансырап тұрса да. Басымды иемін ғой бәрін көтере алатын жүректеріне)))

Адам болған соң, бәріміздің де бір басымызға көтере алатындай сынақ түскен, алда беруі де мүмкін. Қандай қиындық болса да, ең басты емтихан ол адамдығыңа деген сынақ. Қандай тауқіметте де осы атқа лайық болып өте алсаң ғана адамсың. Әйтпесе ит болып, әркімнің обалына қалып өмір сүргеннің  несі жақсы?

Бастысы Алла баламен және денсаулықпен сынамасын. Қалғанының бәрі сәтін салса шешілетін дүниелер....

P.S Түнгі емес кешкі ойлар сериясынан))))

 

 

Жанерке Жұматаева

Фейсбуктегі парақшасынан




Көрілген: 2430    Пікірлер: 0

жексенбі, 29.11.2020, 01:08

Достарыңмен бөліс:

  • СОҢҒЫ ЖАРИЯЛАНЫМДАР:
    9 Қаңтар, 09:52
    Өлім оған - Бостандық
    31 Желтоқсан 2020
    Кто бинабат?
    17 Желтоқсан 2020
    Жігіттер, мал болмайық!

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31