Сен тұр - мен айтайын!

Семейге Қытайдан тікелей тауар тасымалын жандандырса, баға мұнша шарықтамас еді

  • Семейге Қытайдан тікелей тауар тасымалын жандандырса, баға мұнша шарықтамас еді

    Семейге Қытайдан тікелей тауар тасымалын жандандырса, баға мұнша шарықтамас еді

2 жыл бұрын Семейде балабақша салдық. Солтүстік өңірлерде құрылыс жасаудың шығыны оңтүстікпен салыстырғанда 2-3 есе көп екенін білдім. Ғимараттардың қабырғасын қалыңдату, жылылау сияқты қосымша шығындар жетіп артылады. Оған қосымша құрылыс материалдарының тапшылығы немесе қымбаттығы да бар. Көп дүниелерді Алматыдан алдырттық. Ғимаратты жылылауда қолданатын мына суреттегі пластик шегенің бір данасы Семейде 18 теңге, ал Алматыдағы Байсаттан осыны 4 теңгеге алдық. Осындай мысалдар жетерлік. Мұның бір себебі, қытайдан келетін барлық дүние Қорғас арқылы ең бірінші Алматының базарына түсіп, содан басқа облыстарға тарайды. Семей қаласы тоғыз жолдың торабында орналасқан. Егер Семейде үлкен сауда-саттық складтары мен логистикалық орталықтарын ашып, Зайсандағы Майқапшағай кеден бекетінен Семейге Қытайдан тікелей тауар тасымалын жандандырса, баға мұнша шарықтамас еді. Бұл орайда Семейдің потенциалы жоғары. Біріншіден шекара 560 шақырымда ғана орналасқан (Алматы 1150 км), екіншіден солтүстік өңірлерге Алматыдан қарағанда Семей жақын, үшіншіден қытайлық тауар үшін Алматыға ағылатын ресейлік саудагерлерге Семей әлде қайда тиімді. Бұл Семейдің әлеуметтік-экономикалық ахуалын жақсартып, қанша жұмыс көздерін ашар еді. Солтүстік өңірлерде тауар арзандар еді. Алматыға біраз логистикалық разгрузка болар еді. Баяғыдан осыған арнайы салынған "Омск-Майқапшағай" тас жолы нағыз Жібек жолына айналып, өңірдегі инфрақұрылым да біраз жақсарып қалар еді. Бірақ... Бірақ әзірге Қорғастың лоббиі бұның бәрінен мықтырақ сияқты (((

 

Мақсат Жәнібек
Фейсбуктегі парақшасынан

 




Көрілген: 765    Пікірлер: 0

дүйсенбі, 18.05.2020, 16:59

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    мамыр
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31