Сен тұр - мен айтайын!

Шығыстың Әнұраны қай ән?

  • Шығыстың Әнұраны қай ән?

    Шығыстың Әнұраны қай ән?

Жақында талантты режиссер, Алматыдағы Жүргенов атындағы Өнер академиясының бұрынғы ректоры Асхат Маемиров бастаған бір топ өнер адамдарымен бірге Абай ауданына барып қайттық. Семейден шығарда Асхат ағамыз "Осы өңірдің Әнұраны деуге тұрарлық Семей туралы, Шығыс туралы қандай ән бар?" деді. Шынымды айтсам, қонаққа білдіртпегеніммен іштей қатты қысылдым. Қызылордада "Сыр сұлуы", Солтүстікте "Теріскей", Батыста "Ақ ерке ақ Жайық" секілді әндер бар ғой. Бізде Шығыстың Гимні деуге боларлық қандай ән бар? "Гүлмира Сарина орындайтын "Шығысым - шырайлы елім" деген жақсы ән бар. Қазір әртүрлі жерлерде өтетін ресми жиындарда, концерттерде орындалып жүр. Сосын "Тарбағатай таулары" деген ән бар" деп жауап бергендей болдым. Расында, сөзін Қалқаман ағамыз жазған "Шығысым - шырайлы елім" жақсы ән. Шығыстың Гимні деуге тұрарлық ән. Бірақ әлі де насихат керек секілді. Облыс тұрғындарының көпшілігі біле бермейді. "Тарбағатай таулары" да күшті ән. Бірақ бұл әнді Шығыстың Гимні деуге келмейтін секілді. Шәмші Қалдаяқовтың "Шығыстың шолпаны" деген әні бар. Бірақ бұл ән де көп орындалмайды. Ал Семей туралы қандай ән бар? Жастар жағы айтатын "Туған қалам Семейімнен" басқа ән жоқ секілді. "Ахау, Семейді" үлкендер жағы білмесе, жастар көп шырқай бермейді. Айтпақшы, Гүлмира Сарина орындайтын "Шығысым - шырайлы елім" әні Өскеменде арнайы ұйымдастырылған байқау кезінде туған еді. Қателеспесем, ол кезде Өскеменнің бүгінгі әкімі Жақсылық Омар Мәдениет басқармасының басшысы болатын.


Қысқасы, Шығысқа Әнұран болатындай ән керек секілді. Ол үшін тағы да бір байқау ұйымдастырылса жақсы болар еді. Ақындар мен сазгерлердің құлағына алтын сырға!


Azamat Qasym

Фейсбуктегі парақшасынан


 




Көрілген: 1075    Пікірлер: 0

сейсенбі, 01.10.2019, 12:19

Достарыңмен бөліс:

2
  • СОҢҒЫ ЖАРИЯЛАНЫМДАР:
    28 Қыркүйек, 12:26
    Тойда билеуден қорқамын

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30 31