Сол себепті де, ЖАЛҒЫЗБЫН... әзірге

27 қазан 2020, 14:49

* Өткенде бір әйел маған инстада "не өзіңді өзгертуге ұмтылып жүрсің, стервасың, өзгермейсің" деп жазыпты. Күлдім де, ол адамға бақыт тіледім.

 

* Өз-өзіңді түзеуге ұмтылу, өміріңді өзгертуге тырысу, болашағыңды жарқын етуге бар күшіңді салу-АҚЫМАҚТЫҚ ЕМЕС. Керсінше, ел алдында "бақытты адамның" кейпіне еніп, бақытты көрінуге тырысу-АҚЫМАҚТЫҚ.

 

* Мәселен, қазақ үшін киелі саналатын отбасын алайық. Сіздің күйеуіңіз-әйеліңіз, бала-шағаңыз, үйіңіз-күйіңіз бар. Сырт көзге бәрі ғажап. Бұл көпшілік арасында кең тараған "бақытты отбасының" формуласы. Ал, шындығында Сіз өзіңіз бақыттысыз ба?

 

* Бізде қаншама қазақ отбасы әйтеуір отбасылы болу, ұрпақ жалғастыру, ата-ана разылығын алу, салт-дәстүрді сақтау сынды принциптермен өмір сүріп жатыр. Ортада махаббат жоқ, көңілі басқада бірақ, өзгенің сөзі мен бала-шағасы үшін шарасыз күйде сүйретіліп жүргендер қаншама (бақытсызбын деп мұң шаққан осындай әңгімені құлағым талай естіді). Бір-біріне сезімдері жоқ, оны екеуі де біледі, бірақ, ажырасу ұят. Күйеуі әйелінің бала тапқанын, әйелі күйеуінің ақша тапқанын қанағат тұтады. Ми жемейді, әркім өз шаруасымен. Екеуі де, өз рөлін қалтқысыз орындайды бірақ, сезімсіз. Бітті.

 

* Бірақ, сырт көзге бақытты отбасының образын керемет сомдайды. Кім үшін, не үшін? Сен біреу үшін емес, өзің үшін өмір сүресің ғой?! Бұл- мен сөз басында жазған қазақтың киелі саналатын отбасының үлгісі емес!

 

* Міне, осындай жалған бақыттың құрбаны болмау үшін мен бәрін қайта бастауға тырысып жүрмін.

 

* Маған ілініп-салынып жүретін күйеу керек емес, арқа сүйейтін, қорған болатын еркек керек.

 

* Ерлі-зайыптының рөлі емес, ер мен әйелдің шын сүйгені керек. Яғни, жүзік емес, жүрек керек.

 

* Үйдің үлкендігі емес, оның ішіндегі жылуы керек.

 

* Бала туу керек деп емес, саналы түрде туып, сапалы етіп тәрбилеу маңызды.

 

* Ер-азаматтың әйелді бала туатын обьект ретінде емес, тұлға ретінде сыйлауы керек.

 

* Қорлауы емес, қолдауы керек.

 

* Төмен санауы емес, қадір-қасиетіңе жетіп, бағалауы керек.

 

* Әдемілікке бас ұруы емес, ауырып-сырқап, қиын жағдайға тап болғанда қасыңнан кетпейтін, сатпайтын сенімді серік керек.

 

* Арман-мақсаттарымды тұншықтыратын емес, қолдап, бірге жетуге ұмтылатын азамат керек. Яғни, екі жарты толықтай бір бүтінге айналуы тиіс.

 

* Отбасының басты қазығы, алтын діңгегі де осы деп санаймын!

 

* Сондықтан, мен сыртқа бақытты көрінуге тырысқаннан, іштей шын бақытты болудың жолын таңдадым. Сол себепті де, ЖАЛҒЫЗБЫН... әзірге.

 

 

Армангүл Тоқтамұрат

Фуйсбуктегі парақшасынан