Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

Тәуелсіздіктің сыйы да, сиқы да осы...

04 тамыз 2020, 16:18

Сыйы ма, сиқы ма?
Балаларды аулаға (олардың тілімен - дворға) жіберердей кәдімгідей дайындаймыз. "Сонда оп-оңай жеңілетіндей, ілесе жөнелетіндей жігерсізсіңдер ме?" деп қайраймыз.
Кеше ұлым тарс еткізіп, бір ауыз сөзбен сілейтіп тастады. "Әке, ауладағы балалардың 95 пайызы орысша сөйлейді ғой" дейді. Біз жаңа көшіп келген жылдары шүпірлеген балақайлардың дені қазақша былдырлайтын еді...
Отырып алып, себебін іздедік. Бәріміз байқап жүр екенбіз: жас аналардың барлығы баласына орысша сөйлейді. Олар Тәуелсіздік дәуірінде дүниеге келді. Демек, отыз жыл бойы біз оларға Тәуелсіздіктің негізгі атрибутының бірі тіл екенін ұқтыра алмаппыз, сезіндіре алмаппыз.
Бір келіншек баласының тілі орысша шыққанын мақтанып айтады. Сөйтсе, "қолы тимейтін шаруақор" екен, сәбиіне You-Tube қосып беріп, мультфильмдерді жайып тастап, өзімен әуре болып кетеді екен. Сәби қазір шешесіне, үйдегілерге тек русча сөйлейді.
Кейде "тіліміз журналистерге ғана керек пе?" деп қиналып кетемін. Басқа саланың бәрі ресми тілге ыңғайланып алған, өз өрісін еш іздемейді. Калька ойлайды, сөйлейді, аударады. Есеп үшін ғана. Ағылшын, француз тілдерінен кітап аударып жатқан еңбегіміз еш болатын сияқты көрініп кетеді. Журналистердің де тілді айнадай ғып жатқаны шамалы, әрине...
Жас ана мен жас әкенің намысын оята алмаған өзіміз кінәліміз бәріне... Тәуелсіздіктің сыйы да, сиқы да осы...

www.facebook.com парақшасынан