Қазақ жеріне келген әлде бір тыңшы елдің шетіне кіре бере ұсталады. Тіпті ұсталмаса да ұсталдым деп ойлап қайта қашып еліне кетеді.
Өйткені, оны күн шуақтап отырған кез келген шал тергеп руын сұрайды, оны айтса, құдасы боп шығады т.с.с. Осындай бір әзілді Уәлибек Әбдірайым айтушы еді ғой. Меніңше, біздегі орыс, неміс, кәріс секілді қазақстандықтар да осал емес. Елдегі өзге ұлт диаспоралармен жиі әңгімелесіп қаламын. Олар салған жерден қай жақтікі екенімді сұрайды. "Қарағандылықпын" деймін, әдейі. "Жоқ, ұқсамайсың, қарағандылықтар орысшаны бізден таза сөйлейді" деседі. Мен Қарқаралының пәлен деген аулының бөлімшесінде "туып өскендігімді" алға тартып бағамын. Сенбейді. Сосын, төрелікті өзіне беремін. Олар салған жерден: "Түркия, Қытай, Монғолия – үшеуінің дәл қайсысынан келдің?" - деп "ұстап" алады. Мойындайсың, қалай біліп қойғанын сұрайсың. Сонда олардың айтатын жауабы мынау: "У вас неказахстанский акцент".
Азаматтарының бәрі осыншама қырағы сақ елге тыңшы жіберетін жүрек жұтқан қандай жұрт бар?!
Қуандық Шамахайұлы
Facebook-тегі парақшасынан
Көрілген: 1787 Пікірлер: 0
Жұлдыз
Радиосы
