Блогер белгілі инста-балгердің өтірігін әшкереледі

16 қараша 2021, 00:16

Төртуыл Шоқан атты facebook пайдаланушысы өз парақшасында Instagram-да көріпкел қызметін көрсететін Аружан есімді бойжеткеннің өтірігін әшкереледі. Өз дәлелі ретінде Төртуыл Шоқан видео жариялады, деп хабарлайды Ulysmedia.kz тілшісі.

 

Ең қызығы, Аружан есімді бойжеткен көріпкелдік қызметі үшін 350 теңге ғана алады екен. Көріпкел «болашақты болжау» үшін картаны пайдаланады. Төртуыл Шоқан сол соманы «Каспий голд» арқылы жіберіп, «Қашан үйленем?» деп сұрақ қойған.

 

«Осы жылы және келесі жылы сізге үйлену түсіп тұрған жоқ», - деп жауап берген үйлі-баранды жігітке инста-балгер.

 

Тағы бір жолы Төртуыл Шоқан әлгі бойжеткенге «Әкеміз жанұямызға орала ма?» деген сұрақ қойған. Алайда оның әкесінің марқұм болып кеткеніне біраз жыл өтіп кеткен.

 

«Оралады. Бірақ сәл күту керек!» - деп жауап берген инста-балгер.

 

Балгердің айтқанына сенетін адам көп секілді. Оның тікелей эфирін видеода 100-200 адам көріп отырғанын байқауға болады.