Мистика. Қиял-ғажайып. Түс жору

Бұрынғы жігітің түсіңе жиі кірсе...

  • Сурет ашық дереккөзден

    Сурет ашық дереккөзден

Бұрынғы жігітіңмен өмірде кездесіп қалу – түсінікті жағдай, ал басқа қарым-қатынаста бола тұра түсіңде жиі көруге қандай түсініктеме бар?

 

Өміріңіз өзгерді, жаңа махаббатыңызды жолықтырдыңыз, болашаққа армандарыңыз өзгерді: бір қарағанда өткеннен еш із қалмаған сияқты. Бірақ ол неге түсіңізге кіреді?

 

Ол сізді ойлап жүр ме?

 

Көптеген қыздар бұрынғы жігітінің түсіне кіруін жігіттің сезімдері және уайымымен байланыстырады. Егер түсіңе кіріп жүрсе – демек, әлі де жақсы көреді және ұмыта алмай жүр. Ал олай болса неге хабарласпайды? Ұяла ма, әлде бетімді қайтарады деп жасқаншақтана ма? Бір жағынан бәрі түсінікті сияқты, бірақ жағдайға басқа қырынан қарап көрелік.

 

Оның ойлары сіздің түс көруіңізге қалай әсер ете алады? Ол ғажайып қабілетке ие және сіздің бейсанаңызға енуге талпынады деп болжауға болады. Немесе ол сізбен елеусіз байланысқа түсті. Бұл бір қиял ғажайып ертегісіне ұқсайды деп ойламайсыз ба?

 

Жалпы түс дегеніміз – бұл бойына көптеген қызықты және жұмбақ басқатыруларды жасырған бейсанамыздың көрінісі. Бізді бейсаналы деңгейде алаңдатқан мәселелер түсімізге қандай да бір бейнелер мен белгілер арқылы кіреді. Олай болса, мәселе ода емес, сізде шығар?

 

Сезіміңіз не дейді?

 

Түсіңізге бұрынғы жігітіңіздің кіруі қарым-қатынасыңыздың қандай да бір деңгейінің аяқталмай қалғанының белгісі болуы мүмкін. Көбіне бұл кезең «аяқталмаған қоштасуды» білдіреді. Яғни, шын өмірде сіздер барлық егжей-тегжей мәселелерді шешіп, айрылыстыңыздар, бірақ жаныңызды бір күдік мазалайды. Бәрін дұрыс жасадыңыз ба? Кім кінәлі болды? Жағдайды өзгертуге болар ма еді?

 

Оянған соң, түс көріп жатып қандай сезімде болғаныңызды жазып алыңыз. Реніш пе, әлде өкініш пе? Сағыныш па, әлде қуаныш па? Оянған соң қандай сезімде болдыңыз?

 

Қуаныш сезімі, бұрынғы қарым-қатынаста бақытты болғаныңызды және, бәлкім, соны қайта қалпына келтіргіңіз келетінінің айғағы.

 

Реніш – бұрынғы жігітіңізге деген жасырын агрессияны білдіреді, бұл сонымен қатар, қазіргі қарым-қатынасыңызға да кері әсер етуі мүмкін. Өкініш сезімін сезінсеңіз, демек іштей өзіңізді кінәлі сезінесіз.

 

Бұл түстерден арылу үшін әр түстің мағынасын түсініп, өз-өзіңізбен жұмыс істеу керексіз. Алайда бәрі оңай емес. Бұрынғы жігітіңізді түсіңізде жиі көрудің тағы бір сыры бар...

 

Ол сізге кімді есіңізге салады?

 

Айта кетерлігі, түстеріңіздің кейіпкерлері қазіргі таңдағы сіз араласып жүрген өмірдегі шын адамдардың бейнесі. Олар сізге таныс әрі жақын сияқты көрінуі мүмкін, бірақ оларға еш сезіміңіз болмауы мүмкін.

 

Егер бұрынғы жігітіңіздің түсіңізге кіруі түсінбестіктен басқа сізді ешқандай эмоцияға жетелемесе, онда бұрынғы серігіңіз кімді «меңзеп» тұрғанын ойланыңыз.

 

Ол кімге ұқсайды? Кіммен байланысады? Әдетте шешімді кейіпкердің кейбір сөздерінен немесе іс-әрекетінен табуға болады. Бәлкім, оның қандайда бір сөздері жақын досыңызды немесе танысыңызды есіңізге түсіретін болар?

 

Осылайша, бұрынғы жігітіңіз өміріңізге қалай да әсер етіп жүрген қандай да бір адамның бейнесін көрсетеді. Бәлкім, ол сізге «көмектескісі» келетін шығар және қарапайым өмірде көрмей жүрген бірдеңені көрсетпек шығар? Әдетте мұндай түстер сіздің адамдармен қарым-қатынасыңыздағы терең проблемаларды меңзейді.

 

Бірақ бұл жағдайда да бұрынғы жігітіңіз – бұл сіздің бейсанаңыздың жай ғана көрінісі. Басқа мәселе – неге дәл ол?

 

 

 

massaget.kz

 

 

 

 

 

 

 




Көрілген: 2312    Пікірлер: 0

жексенбі, 07.03.2021, 10:03

Достарыңмен бөліс:



  • СОҢҒЫ ЖАРИЯЛАНЫМДАР:
    1 Мамыр, 19:18
    Қабірдегі өмір
    25 Сәуір, 10:31
    Әруақ
    23 Сәуір, 17:26
    Өң мен түстің арасы
    12 Сәуір, 11:09
    66-шы үйдің құпиясы
    1 Сәуір, 09:04
    ӘКЕ ҚАРҒЫСЫ
    20 Наурыз, 01:59
    Аян берілер түстер...
    19 Наурыз, 16:02
    Түннің құпиясы
    16 Наурыз, 22:21
    ӨЛІМ ПЕРІШТЕСІ
    13 Наурыз, 02:03
    Жанның мекені қайда?
    2 Наурыз, 12:26
    Тымақ киген бала...
    1 Наурыз, 10:03
    Адам неге түс көреді?
    9 Ақпан, 09:40
    «Елес» деген бар ма?

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    мамыр
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31