Қуық қабынса тұзбен емделіңіз

Жаздың ыстығында шомылуға жиі баратынымыз рас. Ондайда жұқпа түскеннен немесе салқын су әсерінен қуық қабынуға ұшырап жатады. Бұл көп адамға таныс жәйт. Егер сізді де цистит мазаласа, жылдам жәрдем ететін төмендегі мына әдістерді қолданып, тезірек сауығып кетіңіз:
Шағын қалтадағы тұзды ыстық табаға салып қуырып, мақта-матадан тігілген дорбаға салады. Сосын қызған тұздың үстіне ол суығанша жалаң аяқ тұру керек. Осындай әдісті 6 рет жасасаңыз, құлан-таза айығып кетесіз. Тұздың бір қасиеті тез ысып, өте баяу суыйды. Мұндайда табаннан өткен жылу бүкіл денеге тарап, түрлі аурудың алдын алып отырады.
Цистит жиі мазаласа түймедақ, мыңжапырақ, қырмызының әрқайсысынан 2 ас қасықтан алып, оны 5-7 литр суда, баяу отта 10 минут қайнатыңыз. Оның ыстық буына кем дегенде 2 сағат отыруыңыз керек. Таңертең және кешке, яғни күніне 2 реттен 10 күн қайталаған тиімді. Бірақ булы ваннадан кейін жылы оранып алуды ұмытпаңыз.
Жарас ҚАСЫМ.
«Ауырмаңыз!» газеті