ЖҮКТІЛІК КЕЗІНДЕ ШАЛҚАЛАП ҰЙЫҚТАУДЫҢ ҚАТЕРІ
Жаңа Зеландиядағы Окленд университетінің дәрігерлері ай-күні жақын қалған жүкті әйел адамдарға шалқалап жатпауға кеңес береді. Тhe Journal of Physiology басылымында жарияланған ғылыми мақалада бұл жатыстың кесірі перзентіңізге тиетіні ескертілген.
Ғалымдардың сөзінше, жүктілігіне тоғыз ай болған әйелдердің шалқасынан жатуы баланың өлі туылу қаупін жоғарлатады. Дәрігерлердің пайымдауынша, бұған жатырдағы нәрестенің жүрек қағысының жиілігі өзгеріп, қанға жеткізілетін оттегінің төмендеуі себеп.
Ғалымдар 7-9 айдағы 29 жүкті әйелдің ішіндегі нәрестелерінің жүрек қағысының жиілігін бақылаған. Ары қарай олар жүкті әйелдердің басқаша ұйықтауын және оның баланың денсаулығына әсерін зерттеген. Сонымен қатар, олар Ұлыбританияда әрбір 227-ші баланың өлі туылатынын атап өтті.
Мұның алдында америкалық ғалымдар жүкті әйелдің күйзеліске шалдығуы баланың ер жеткен шағында когнитивті қиындықтар мен мазасыздықтың пайда болуына әкелетіндігін хабарлаған болатын.