Инста-Алаш

Жұлдыз Әбдікәрімова:"Бізге коронавирустан қарағанда қазақстандық мамандардың сөзі қауіптірек боп тұр..."

  • Жұлдыз Әбдікәрімова:

    Жұлдыз Әбдікәрімова:"Бізге коронавирустан қарағанда қазақстандық мамандардың сөзі қауіптірек боп тұр..."

Бұл жолы көпбалалы ана ретінде сөз қозғағым келеді.

Бізге коронавирустан қарағанда қазақстандық мамандардың сөзі қауіптірек боп тұр... Қай жағымнан кеп қалар екен деп шошынған халық одан бетер үрейлене түсті.

Бір ауыз сөздің сауды ауру қып, ауруды сау қып жіберетінін түсінетін халықпыз. Бірақ соны ел алдына шығып сөйлейтіндер неге қаперге алмайды екен?! Айтарын айтып алған соң халыққа өкпелейді.

“Потому что, потому чтоны” енді наконец_то жалғастырды. Бас санитар дәрігерінің сөзін “Бізге де келеді деген #ойдамыз” деп Денсаулық сақтау министрлігінің өкілі тікелей эфирде жалғастырды. Қазақ тілінде “келеді деген ойдамыз, береді деген ойдамыз, сауығады деген ойдамыз” тіркестері жақсылықтан үмітті екенін жеткізу үшін қолданады. Бірақ “ертең вирус келеді деген ойдамыз” деген тіркестерді тікелей эфирде қаншама халыққа жеткізу өте үлкен қателік деп ойлаймын.

Сондай-ақ, өкілдің айтуынша Қазақстан коронавирусқа қарсы профилактика жасаған БІРІНШІ мемлекет екен. Сондықтан бізде вирус жоқ. Ал Италия сынды Еуропаның басқа елдері сақтанбаған сыңайлы... Осы жерде күлмеске болмайды. Дәріханаларында бір де бір маска жоқ, карантинге жабатын ауруханаларында күй жоқ, қалай бірінші боп дайындалғанымыз қызық.

Мен ешкімді сынға алмаймын. Алайда ана ретінде, осы елдің азаматы ретінде математикалық модельдің вирусты қалай жеңетінін, біздің мамандардың “Дайынбыз!” деген сөзін нақтырақ жеткізетін дәйектерді білгім келеді және ең бастысы халық алдында айтар ойларын сауатты жеткізуін сұраймын.

Бас санитар дәрігердің болжамы рас болса, халыққа масканы тегін таратып, автобус, цон, мектеп, көпқабатты үйлердің подъездеріне кіріп-шыққан адам қолын тазалайтын антисептиктер орналастырса, нағыз профилактика болушы еді. Көп сөйлейтін конференцияларға бөлінетін қаржыны көп нәтиже беретін істерге бағыттаса деген ұсынысымыз бар
#zhuldyzabdukarimovaofficial 




Көрілген: 1758    Пікірлер: 0

бейсенбі, 12.03.2020, 09:50

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31