Инста-Алаш

Қазақстанда «Қызғалдақ сыйла» челленджі басталды

  • © ҚазАқпарат

    © ҚазАқпарат

20 наурыз күні Астана қаласының оң жағалауындағы Кенесары хан ескерткіші маңына жиналған бір топ жастар жолай кездескендерге гүл сыйлай бастады.


«Nur Otan» партиясының «Жас Отан» жастар қанаты ұйытқы болған «Қазақстан - қызғалдақтар отаны» республикалық акциясы мен «Қызғалдақ сыйла» челленджі осылай басталды. Аталмыш іс-шаралар Наурыз мерекесіне арналды, деп хабарлайды ҚазАқпарат тілшісі. Ауа райының қытымырлығына қарамастан акция қатысушылары қала тұрғындарына жылылық пен мейірім, әдемі көңіл-күй сыйлай білді.


Елімізде өткен Қазақстан мен Шотландия арасындағы футбол матчын тамашалау үшін арнайы келген жанкүйерлердің бірі Есіл жағалауында серуендеп жүрген болатын. Ол ауа райының салқындығына қарамастан шотландықтардың ұлттық киімі - килт киіп алыпты.



Челлендж бен акция тақырыбына қызғалдақтың таңдалуы кездейсоқтық емес - қызғалдақтың ұлттық игілігіміз екені айдан анық. Жер бетінде осыдан 10-15 млн жыл бұрын пайда болған қызғалдақтың Отаны - қазіргі Қазақстан Республикасы орналасқан аумақ екені белгілі. Қазақстанда қазірдің өзінде қызғалдақтың 38 түрі өседі. Бұл - жер бетінде өз бетімен өсетін, ғылымда белгілі 80 түрлі жабайы қызғалдақтың жартысына жуығы.



Әдемі және күй талғамайтын бұл гүл адамзатпен етене өсті, көп ғасырдан бері адамзат оның 3 мыңнан астам түрін өсіріп шығарды. Өкінішке қарай, біздің елімізде қызғалдақты жаппай өсіру қолға алынбаған. Наурыз немесе 8 наурыз секілді мерекелерде гүлдің көпшілігі қызғалдақ өсіруді кәсіп еткен Голландиядан ұшақпен жеткізіледі. Бүгінде қызғалдақ өсіру, жаңа түрлерін жасап шығару мен сатуда еуропалықтар бүкіл әлемнің алдында келе жатыр.



«Соған қарамастан, бұл ғажап гүлдің бесігі, түп-тамыры бәрібір осы елде, сондықтан «Қазақстан - қызғалдақтың отаны» деп сеніммен айта аламыз. Міне, сондықтан «Жас Отан» жастар қанаты әрбір адамға үндеу жолдайды - «Қызғалдақ сыйла» бастамасына үн қосыңыздар! Гүл сыйлаңыздар. Ал біз эстафетаны Алматы қаласына жолдаймыз. Акцияның келесі кезеңі сонда өтеді. Гүл тарту еткенде өз шаруасымен асығыс кетіп бара жатқан адамдардың қалай өзгеретінін, еріксіз жымиып, шынайы қуанышқа бөленетінін байқайсыздар ма? Өйткені, қызғалдақ - табиғаттың жаңаруының тірі символы, сұлулықтың белгісі», - дейді акция ұйымдастырушылары.













 




Көрілген: 1977    Пікірлер: 0

бейсенбі, 21.03.2019, 11:00

Достарыңмен бөліс:

2
  • СОҢҒЫ ЖАРИЯЛАНЫМДАР:
    6 Қаңтар, 12:37
    Ең шулы киім үлгілері

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31