"Шешінбей-ақ істеді". Жаңа жыл кешінде ер адам бойжеткенді биімен "сындырды"

26 желтоқсан 2022, 14:47

Жаңажылдық кештердің қызығы мен шыжығы қайта басталды. Желіде ер адамдар ғана жұмыс істейтін мекеме қызметкерлері, кешке келген бойжеткенге барынша биімен жақындауға тырысқан, - деп хабарлайды Alashainasy.kz тілшісі "Экспресс К"-ға сілтеме жасап.

Ер адамның ерекше биі әлеуметтік желіде тарады.

 

Видеода кілең еркек арасында қызыл көйлекті бір ғана бойжеткеннің тұрғанын байқайсыз. Барлығы дерлік әріптестерінің биіне қолдау білдіруде.

 

Ал әлгі жігіт қыздың алдында жерге жатып та, тізерлеп те, тіпті жамбасын бүлкілдетіп те билейді.

 

Тек еркектер жұмыс істесе осы ғой, — деп жазылған бейнежазбаға.

 

Жалпы, бұл видеоға жазылған пікір көп. Бірі көңілді кешті осылай "жандыру" керек десе, енді бірі сынап тастаған.

 

"Дап-дардай жігіт, істеп тұрған тірлігінен адам жиіркенеді", "Намыс жоқ. Ұят! Жылау керек мұндайда", "Ерсі, барын көрсетті ғой", "Шешінбей-ақ істеді ғой, бәрін", "Көңілді кеш осылай өтуі тиіс", "Дұрыс, еркін демалған жақсы", "Қара жұмыс оңай емес" — деген түрлі пікірлерін жазған желідегі жұрт.