Ақын ақпанда туған ба, наурызда ма?

29 шілде 2011, 08:48

Мұқағалидың туған күні неге бір жылда екі рет тойланады? Туған күні туралы мәліметтер неге әр алуан?
Ақкүн ҚОЙШЫБАЕВА,
Алматы қаласы
Рас, Мұқағалидың туған күні жылына екі мәрте аталып өтеді. Себебіне тоқтала­йық. Ақынның анасы Нағиман апа былай деген: «Мұқағалиым 1931 жылы наурыз айының 8-інде дүниеге келген болатын. Жаңылысуым мүмкін емес. Себебі балам мынау фәнидің есігін ашқаннан біраз уақыт кейін Наурыз тойы болады, наурыз көже жасаймыз деп күтіп отырғанбыз. Мұқа­ғали атындағы әдеби сыйлықтың лауреаты Оразақын Асқар Мұқағалидың екінші ту­ған күніне байланысты мынадай сөз айта­ды: «Ал құжат бойынша Мұқағали 9 ақпан­да дүниеге келген. Бұл куәлікті ақын ес білген кезде сол кездегі сайлау науқанына байланысты өзі жаздырып алған екен». Әдетте 8 ақпанда өзінің туған жері Қара­сазда тойланса, 9 ақпанда өзі өскен, оқы­ған, қызмет еткен қаласы Алматыда аталып өтеді. Республика көлемінде Мұқағали оқулары мен түрлі мүшәйралар, ақын өлең­дерін жатқа айту, арнаулар оқу, әртүр­лі көріністер қою секілді әдеби шаралар өткізіледі.