Сұрақ-Жауап. Кеңес

Алматыда COVID-19-тан кейін қайда тегін оңалуға болады?

  • https://egemen.kz/

    https://egemen.kz/

Қазіргі таңда Алматы қаласының емханаларында оңалту бөлімшелері құрылып, жұмысқа кірісті, деп хабарлайды Egemen.kz.

 

"Оңалту – бұл адам денсаулығына байланысты, хирургиялық операциядан кейін, оның ішінде созылмалы аурулар, жарақаттар және т.б. салдарынан күнделікті өмірде функционалдық шектеулерге тап болған немесе мүмкін болған жағдайда, біртіндеп қалпына келтірудің қажетті іс-шаралар кешені. Біздің Орталық барлық жастағы адамдарға күнделікті қызметін тоқтатпай немесе қайта бастауға мүмкіндік беретін оңалту қызметтерін ұсынады. Бізде мықты кәсіби команда бар, оның мақсаты зақымдалған функцияларды барынша қалпына келтіру болып табылады. Қазіргі уақытта коронавируспен ауырып шыққан науқастарға оңалтуды жүргізіп жатырмыз", дейді №4 Қалалық емхананың бас дәрігері Зухра Умарова.

 

COVID-19 пандемиясына байланысты қазіргі уақытта науқастарға: оттегі терапиясы, арнайы дренажды массаж, тыныс алу гимнастикасының белгілі бір әдістері, физиотерапия жаттығулары оңалту үшін белсенді түрде жүргізілуде. Оның ішінде психологиялық және әлеуметтік бейімделу де бар. Мамандар тыныс алумен ғана емес, бүкіл ағзамен, тұтас жүйе ретінде жұмыс істейді, интегралды жүйемен бірге, бронх-өкпе жүйесі ғана емес, сонымен қатар жүрек-тамыр және жүйке жүйесі де зардап шегеді, өйткені ми қан айналымының созылмалы бұзылуы орын алады.

 

Бөлімшеде оңалтудың үшінші кезеңіне жататын науқастар да емдеу курсынан өте алады. Бұл курстан тірек-қимыл жүйесінің патологиясы бар (жарақаттардан, хирургиялық араласулардан, сынықтардан, жұлын бағанның даму ақауларынан кейін), нейрохирургиялық және неврологиялық профильдер, сондай-ақ жүрек-қантамыр жүйесінің патологиясы барнауқастар(жедел миокард инфарктісі) өтеді. Медициналық оңалту бөлімшесінде 3 кезеңде амбулаториялық оңалту: кардиология, неврология және нейрохирургия, травматология, ортопедия бойынша жүргізіледі.Оның ішінде орталық жүйке жүйесінің перинаталды зақымдануының салдары бар балаларға қызмет көрсетіледі.

 

Мәселен, қазіргі күндері Ж.Ділмағамбетов Алматыдағы N4 Қалалық емхана жанындағы Оңалту орталығында амбулаториялық реабилитацияның 3 кезеңінен өтіп жатыр.

 

"Ол ми қан айналымының жіті бұзылуына ұшыраған. Мұнда өте сауатты мамандар жұмыс істейді, мәселені мұқият зерттейді, аурудың барысын анықтайды, әр науқасқа әрқашан мейірімді, жанашыр және шыдамды келеді. Ең бастысы –өзіңізді аямау және барлық ұсыныстарды орындау, содан кейін нәтижелер жақсы болады. Роксана, Айсұлу Амангелдіқызына кәсіби кеңестері мен жылы сөздері үшін алғысымды білдіремін. Орталықтың барлық ұжымына денсаулық және жұмыстарына сәттілік тілеймін!", дейді Жеткербай Қарасайұлы.

 

Науқастар МӘМС және амбулаториялық-емханалық көмек аясында жергілікті жалпы тәжірибе дәрігерінің жолдамасы бойынша қабылданады. Алматы қаласы Қоғамдық денсаулық басқармасының қолдауымен мамандар Германия мен Латвияда білім алды. Медициналық оңалту дәрігері, дәрігер-рефлексотерапевт Қытайда білім алып келген.

 

 




Көрілген: 288    Пікірлер: 0

сейсенбі, 22.09.2020, 00:28

Достарыңмен бөліс:

  • СОҢҒЫ ЖАРИЯЛАНЫМДАР:
    24 Қазан, 15:54
    Адам тән емес

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қараша
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30