Сұрақ-Жауап. Кеңес

Құрсақтағы балаға УДЗ жасап смартфоннан көре аласыз

  • Құрсақтағы балаға УДЗ жасап смартфоннан көре аласыз

    Құрсақтағы балаға УДЗ жасап смартфоннан көре аласыз

Бүгінгі мақалада жүкті әйелдер үшін көптеген мүмкіндік сыйлайтын гаджеттер, яғни құрылғылар жайында маңызды ақпараттар береміз.


Бұл құрылғылар сәбиіңіздің және өзіңіздің денсаулығыңызға байланысты мәліметтер бере алады. Бірақ, бұларды көптеген болашақ аналар білмеуі мүмкін.


Фетальді допплер



Құрсақтағы сәбиінің жүрек қағысын есту — кез келген ана үшін бақыт. Әрине, мұндай дүние жүктіліктің алғашқы апталарында тек дәрігердің көмегімен орындалады. Бірақ жүкті әйелдер баланың жүрек қағысын күнде естігісі келсе, оған «фетальді допплер» құралы көмектесе алады. Яғни, бұл құрылғыны қолдану арқылы баланың жүрек қағысын жүктіліктің 10-аптасынан бастап кез келген уақытта естуге болады.


Гаджет қалай жұмыс істейді?



Болашақ ана құрылғының сенсорын ішіне қойып, жүрек ырғағы анықталғанға дейін жылжытып отыруы керек. Аспаптағы сәулелі толқындар құрсаққа өтеді және сигнал түрінде қайтарылады. Сосын, допплер есептегіші баланың жүрек ырғағы мен соғу жиілігі туралы ақпаратты өңдейді де, алынған деректер экранына шығады, дыбысты құлаққаппен немесе динамиктен естуге болады.


Қаржы жағынан да қиналмайсыз. Мысалы, «Angelsounds JPD-100S» деген арзан үлгісін сатып алуға болады. Бірақ ол құрылғымен тек қана есту процесі жүреді, яғни экраны болмайды. Ал, ақпараттарды көргіңіз келсе, смартфонға немесе планшетке қосуға болатын «Bellabeat Connected System» және «Bellabeat Shell» деген үлгісін алуға болады, олар iOS және Android жүйелерінде жұмыс істей алады.


Телефонға қосудың пайдалары:


● телефонға қосу арқылы жүрек қағысын онлайн режимде тыңдауға және дыбысты аудиожазба форматында сақтауға болады; 


● баланың қозғалысын бақылауға және арнайы бейнеге түсіруге мүмкіндік береді;


● жазылған дыбысты немесе видеоны туған-туыстар мен достарға электрондық пошта арқылы жіберуге болады;


● құрылғы компьютерге де қосылады, демек файлдарды сонда сақтауға және CD-ға жазуға мүмкіндік сыйлайды;


● қосымшаның күрделі функциялары баланың дамуын талдауға және қалыптан ауытқыған жағдайда дұрыс кеңестер беруге қабілетті.


Құрылғымен бірге компьютерге қосуға арналған сым, нұсқаулық, қуатау құралы және құлаққап болады.



Артықшылықтары:


● Қауіпсіздік – фетальді допплер ақпарат алуға арналған ең қауіпсіз құралдардың бірі болып саналады, дегенмен аспапты сатып алатын кезде маманмен кеңескен артық етпейді.


● Ыңғайлылық – көптеген допплерлер батареямен жұмыс істейді, сондықтан құрылғыны барлық жерде алып жүруге болады. Сонымен қатар, көптеген допплерлердің өлшемі жинақы келеді.


● Жүктіліктің бақытты сәттерін дыбыс немесе бейнежазбалар ретінде сақтауға мүмкіндік береді.


Кемшілігі:


● Аспап баланың жүрек соғысы туралы хабардар етеді, бірақ Сіз ол ақпараттардан толық денсаулығы жайлы қорытынды жасай алмайсыз. Яғни, құрылғы арнайы маманның орнын баса алмайды.


Пульсоксиметр


Таза ауамен дем алу – жүкті әйел үшін өте маңызды. Егер жүкті әйелге оттегі жетіспесе, онда балада гипоксия пайда болуы мүмкін. Бірақ бұған алаңдамаңыз, бақытымызға орай осы гаджеттің көмегіне жүгініп, ағзаның оттегімен қанығу процесін бақылауға болады.



Бұл қалай жұмыс істейді?


Алдымен құрылғыны саусаққа кию керек, содан соң аппарат теріні арнайы жарық сәулесімен тексеріп, қан тазалығын анықтайды. Сол көрсеткіш бойынша оттегімен қанығу туралы қорытынды шығарады және жүректің қаншалықты қарқынды жұмыс істейтінін де анықтай алады.


Сонымен қатар, жақында смартфонмен қосылып жұмыс істейтін үлгілері пайда болды. Мысалы, iOS және Android жүйесіндегі смартфондарға қосыла алатын Masimo, iHealth деген түрлерін айтсақ болады. Бұл гаджеттер нақты өлшеу нәтижелерін көрсететін арнайы қосымшалардың көмегімен жұмыс істейді. Сондай-ақ, қосымшалардың көмегімен көрсеткіштерді бөлісуге және деректерді сақтауға болады.



Артықшылықтары:


● Құрал арқылы кез келген жерде жедел және дұрыс ақпарат ала аласыз.


● Пульсоксиметрлер, соның ішінде смартфондармен үйлесетіндері жинақы болады, демек өзіңізбен бірге алып жүруге ыңғайлы.


Кемшіліктері:


● Бағасы қымбатырақ.


● Кейде көрсеткіштерді шамалы бұрыс көрсетеді.


Смартфонға қосылатын УЗИ сканер


Болашақ аналар арнайы УЗИ-лер арқылы сәбиін көреді және баланың денсаулығы, жынысы, жағдайы және салмағы туралы ақпарат біле алады. Бірақ, жүктіліктің 9 айында ультрадыбыстық УЗИ-ге 3-5 рет қана түскен дұрыс. Ал ұялы телефонға қосылатын УЗИ-сканердің көмегімен Сіз сәбиіңізді жиі көре аласыз.



Бұл қалай жұмыс істейді?


MobiUS – бұл сым арқылы смартфонға қосылатын сенсорлы УЗИ. Пайдалану үшін құрылғыдағы сканерлеу тетігін басып, сенсордың сырғуын жақсартатын гельді жағу және құрылғыны ішіңіздің сыртынан жүргізіп отыру жеткілікті. Содан кейін, смартфон экранынан баланы көруге болады.



Артықшылықтары:


● Бұл ықшам сканерді қаалтаңызға салып, бірге алып жүруге болады.


● Гаджет толық қуатпен 1сағаттан астам жұмыс істей алады және қайта қуатталуы оңай.


Кемшіліктері:


Аппараттың бағасы қымбаттау.


● Бұл гаджетті алдын ала тапсырыс бойынша және медициналық білімі болған жағдайда ғана сатып алуға болады.


● Дәрігерлердің айтуынша, УЗИ-ді жиі қоланған дұрыс емес.


Осы ақпараттарды керегіңізге жарату және ережелерді сақтау Сіздер үшін өте маңызды!


Дайындаған Б.Мейірханұлы,


ERNUR.KZ


 




Көрілген: 444    Пікірлер: 0

жексенбі, 27.01.2019, 13:48

Достарыңмен бөліс:

  • СОҢҒЫ ЖАРИЯЛАНЫМДАР:
    22 Сәуір, 21:36
    Тағылымы мол 5 оқиға
    20 Сәуір, 17:45
    Қыздан да артық...
    9 Сәуір, 11:49
    Жауапсыз махаббат
    29 Наурыз, 12:45
    WHATSAPP-ТЫҢ ҚҰПИЯЛАРЫ
    15 Наурыз, 10:27
    Ата-ананың 4 қателігі
    6 Наурыз, 13:41
    АРУЛАРҒА 13 КЕҢЕС
    27 Ақпан, 13:22
    САБЫРСЫЗДЫҚТЫҢ СОҢЫ

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    сәуір
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30