Сұрақ-Жауап. Кеңес

Сәбиге массаж жасаудағы басты қателіктер қандай

  • https://teletype.in/

    https://teletype.in/

Бүгінде бір жасқа дейінгі сәбилердің басым көпшілігіне дәрігерлер массаж алуды тапсырады. Әсіресе, алып қалада туған нәрестелерге шаһардағы экологиялық жағдайлардың әсер ететіні рас. Дегенмен, массаждың қауіпті жақтары да жоқ емес. Кәсіби балалар массажшысы Виктория Чаусова KAZ.NUR.KZ тілшісіне сұхбат беріп, сәбилер арасында кеңінен тараған ауытқушылықтар мен массаждың ең басты пайдасы туралы айтып берді.

 

Виктория 2015 жылдан бері Алматы қаласындағы балаларды оңалту орталығында жұмыс істейді. Ол медициналық институтты мейірбикелік іс мамандығы бойынша тәмамдап, кейін кәсіби массажшы курстарын аяқтаған. Қаладағы танымал мамандардың бірі саналатын ол сәбилер арасында массажды қажет ететін ауытқушылықтардың көбейгеніне алаңдайды.

 

"Бүгінде бір жасқа дейінгі балалар арасында бұлшықет гипертонусы, гипотонус, мойынның қисық бітуі, дисплазия, жамбас сүйектерінің қисық бітуі, бассүйек ішіндегі қысым, гипоксия сынды сырқаттар кездеседі. Бұлардың барлығы массажды қажет етеді. Егер балаңыз бір жасқа толғанша дереу дертті анықтап, дәрігер нұсқауымен массаж алатын болсаңыз, онда сәбидің денсаулығы түзеліп кетеді.

 

Сондықтан, жоғарыда аталған сырқат түрлерін естіген бойда, жақсы массажшы табуға тырысыңыздар. Дегенмен, менің алдыма бұдан да ауыр дертке ұшыраған балалар да жиі келеді. Яғни, сал ауруына, Даун синдромына ұшыраған балалар мен ақыл-есінің дамуында ауытқушылықтар бар сәбилерге де біздің көмегіміз ауадай қажет. Сондай-ақ, соңғы кездері табанның сыртқа немесе ішке қайырылуы, маймақтық, майтабан да өкінішке қарай, өте көп", - дейді Виктория.
Виктория Чаусова сәбиге массаж жасар алдында аналардың өте сақ болғанын және мейілінше жақсы маман тапқанын қалайды.

 

"Сәбилер үшін массаж өте қажет деп есептеймін. Әсіресе, бала бір жасқа толғанша орнымен массаж жасасаңыз, бұл бала денсаулығына үлкен көмек. Массаж сәбидің ағзасын нығайтып, түрлі аурулардан соң оңалтуға әсер етеді, сондай-ақ, жағымды әсер қалдырады.

 

Баланың физикалық және психоэмоционалдық дамуына да массаждың тигізер пайдасы мол. Өйткені, массаж кезінде орталы нерв жүйесі іске қосылады. Сонымен қатар, массаж қозғалыстары тері арқылы жүйке рецепторларына әсер етеді.
Нәтижесінде, баланың тонусы азайып, азғасы жақсара түседі. Дегенмен, үй жағдайында массаж жасағанда өте сақ болу қажет. Әрбір қозғалысқа абай болыңыз. Бір жасқа дейін кәсіби мамандарға сенім артқан дұрыс. Ал егер оған мүмкіндік болмаса, өзіңіз үйден жасаңыз. Баланың ішіне массаж жасағанда бауыр тұсына ауыртпалық түсірмеу қажет. Жүрек тұсын соққылауға болмайды, сондай-ақ, арқасын қолмен күш түсірмей ұрғылаған кезде бауыр тұсын айналып өтіңіз.

 

Буындарға массаж жасауға болмайды, тек гимнастика жасаймыз. Тақым шұңқырына да тиіспейміз. Ең бастысы – массаждың да сәбиге жақпайтын кездері болатынын ұмытпаймыз", - дейді ол.

 

Сондай-ақ, Виктория жас аналардың ең көп жіберетін қателігіне де тоқталды.

 

"Егер дәрігер массаж тағайындаса, оны міндетті түрде жасау керек. Аналардың басым бөлігі массажға атүсті қарайды. Егер массажшыға ақшаңыз болмаса, өзіңіз үйден жасаңыз. Бұл аса қажет. Дисплазияны одан әрі өршітіп алсаңыз, балаңыз өмір бойы жапа шегеді. Соны ұмытпаңыз. Алғаш рет ана атанғандар баланың басын оң мен солға ауыстырып отыруға көп мән бермейді. Баланың басын үнемі оң мен солға алма-кезек ауыстырыңыз", - дейді ол.

 

Виктория Чаусова бір жасқа дейінгі балаларға массаж артық болмайтынын айтады.

 

"Балаларға массаж алу арқылы сіз оның дұрыс дамуына мүмкіндік бересіз. Массаж моториканы дамытып, бұлшықетті қатайтып, жүйке жүйесіне жақсы әсер етеді. Үйден жеңіл гимнастика жасау әр ананың міндеті. Айтпақшы, бала үш айға толған соң оны жерге жатқызып қойған дұрыс. Ол жерде көбірек жатса, тезірек еңбектеп, жетіледі", - дейді ол. 

 

 




Көрілген: 407    Пікірлер: 0

сейсенбі, 10.03.2020, 14:58

Достарыңмен бөліс:

2
  • СОҢҒЫ ЖАРИЯЛАНЫМДАР:
    9 Ақпан, 16:49
    ҚАНДАЙ ӘЙЕЛ ЖАҚСЫ?

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    сәуір
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30