Сұрақ-Жауап. Кеңес

Табыс декларациясында қымбат тон мен төрт түлік малды көрсету керек пе?

  • Табыс декларациясында қымбат тон мен төрт түлік малды көрсету керек пе?

    Табыс декларациясында қымбат тон мен төрт түлік малды көрсету керек пе?

Қазіргі кезде табыс декларациясын тапсыру әдістемесі жасалып жатыр. Қаржы министрлігі жалпыға бірдей декларацияда қандай заттардың көрсетілетінін түсіндірді, деп хабарлайды Sputnik Қазақстан тілшісі.


Мемлекеттік кірістер комитетінің төрағасы Марат Сұлтанғазиевтің айтуынша, бүгінде сарапшылардың қатысуымен қымбат заттарды декларацияда көрсету әдістемесі әзірленіп жатыр. Соған сәйкес, табыстың есебі рәсімделетін болады.


"Қазіргі кезде табыс декларациясын тапсыру әдістемесі жазылуда. Осыған орай, біз сарапшылармен ақылдасып жүрміз. Мәселен, сіз қымбат тонның бағасын біліп, оны ертең сатамын десеңіз, декларацияға енгізуге болады. Ал сатылмайтын тон болса, көрсетудің қажеті жоқ. Тонның шекті бағасына қатысты әзірше нақты ақпарат жоқ. Өйткені әдістемесі әлі дайын емес", - деді Сұлтанғазиев журналистерге берген сұқбатында.


Оның сөзіне қарағанда, жеке заттардан бөлек сатылатын төрт түлікті де декларацияда көрсетуге тура келеді.


"Енді, қымбат тоннан басқа зергерлік бұйымдар, картиналар мен төрт түлік бар. Солар бойынша бір әдістеме жасаймыз. Егер адам бір затты сатып, пайда табамын десе, оны бағалап, сол бағаны декларацияда көрсетуі мүмкін. Ал сатылмайтын, өзі киіп тоздыратын зат болса, декларацияда көрсетудің қажеті жоқ", - деді Сұлтанғазиев.


Айта кетейік, Қазақстанда жалпыға бірдей декларациялау кезең-кезеңімен енгізіледі. 2021 жылдан бастап мемлекеттік қызметшілер және олардың жұбайлары декларация тапсырады. 2023 жылда – мемлекеттік кәсіпорындардың қызметкерлері, 2024 жылы – заңды тұлғалар мен жеке кәсіпкерлер, ал 2025 жылдан бастап басқа да санаттағылар декларацияны рәсімдейтін болады.


"Жалпы, төрт кезең бар. Әр кезеңнен кейін біз талдау жасаймыз. Оған сәйкес, заңға және әдістемеге өзгерістер енгіземіз. Негізі, 2025 жылға дейін осы жұмысты толығымен аяқтауды жоспарлап отырмыз", - дейді Сұлтанғазиев. 




Көрілген: 450    Пікірлер: 0

сейсенбі, 13.08.2019, 19:12

Достарыңмен бөліс:

2
  • СОҢҒЫ ЖАРИЯЛАНЫМДАР:
    14 Шілде, 22:45
    Өзіңді дамыту
    16 Маусым, 20:02
    Ақша үнемдеудің 5 жолы

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31