Сұрақ-Жауап. Кеңес

Табысы аз отбасы балаларына қандай әлеуметтік көмек көрсетіледі?

  • © tengrinews.kz

    © tengrinews.kz

Табысы аз отбасылардың балаларына кепілдендірілген әлеуметтік топтаманың құрамы қалыптастырылды. 

ҚР Еңбек және халықты әлеуметтік қорғау министрлігі ҚР Денсаулық сақтау министрлігі мен ҚР Білім және ғылым министрлігінің ұсынымдары негізінде атаулы әлеуметтік көмек алатын табысы аз отбасылардың балаларына арналған 2020 жылғы 1 қаңтардан беріле бастайтын кепілдендірілген әлеуметтік топтамасын қалыптастырды.

Кепілдендірілген әлеуметтік топтама 1 жастан 6 жасқа дейін және 6 жастан 18 жасқа дейінгі балаларға беріледі. 1 жастан 6 жасқа дейінгі балаларға азық-түлік және тұрмыстық химия тауарларының жиынтықтары қосылады деп жоспарлануда. Өз кезегінде азық-түлік жиынтығы: 1-ден 3 жасқа дейін және 3-тен 6 жасқа дейін балалардың жас санатына байланысты әр түрлі болады, - делінген хабарламада.

ҚР ДСМ ұсынымдарына сәйкес азық-түлік жиынтықтары физиологиялық ерекшеліктерді, азық-түліктің тағамдық және энергетикалық құндылығының арақатынасы мен баланың жасына сәйкес оларды пайдалану нормаларын ескере отырып қалыптастырылған және бұл жиынтық АӘК тағайындау кезеңінде айына бір рет берілетін болады.

1 жастан 3 жасқа дейінгі балаларға арналған тамақ өнімдерінің жиынтығына: ультра пастерленген сүт 2,5%, 1,95 л; балалар печеньесі (5 айдан бастап балаларға арналған), 180 гр.; өлшеп оралған ұнтақ жармасы, 700 гр.; балаларға арналған гипоаллергенді ботқалар ассортименті (5 айдан бастап балаларға арналған), 320 гр.; балалар пюресінің гипоаллергенді ассортименті, 1150 гр.; жүгері жармасы, 400 гр.; буып-түйілген сұлы үлпектері, 800 гр. кіреді, - делінген ведомство таратқан хабарламада.

3 жастан 6 жасқа дейінгі балаларға арналған азық-түлік жиынтығына: 2,5%, 1,95 л ультра пастерленген сүт; бидайдың қатты сорттарынан жасалған макарондар, 800 гр.; буып-түйілген сұлы үлпектері, 800 гр.; күнбағыс майы, 0,8 л; классикалық гематоген, 240 гр.; құрамында ұнталмаған дәндер бар таңғы асқа арналған сүт жастықшалары, 250 гр.; темірге, С және В дәрумендерге бай балалар печеньесі (5 айдан бастап балаларға арналған), 360 гр.; өлшеп оралған арпа жармасы, 1 кг; өлшеп оралған қарақұмық жармасы, 1600 гр.; жарылған бұршақ, 800 гр.; өлшеп оралған ұнтақ жармасы, 700 гр.; табиғи бал, 200 гр. кіреді, - делінген хабарламада.

Бұл жинақтар баланың күндізгі тамақтану рационын қамтамасыз етуге арналмағанын, олардың мақсаты – өсіп келе жатқан ағзадағы витаминдердің жетіспеушілігін өтеу екендігін атап өткен жөн.

1 жастан 6 жасқа дейінгі балаларға арналған тұрмыстық химия тауарларының жиынтығының құрамын да ҚР ДСМ анықтады. Оған жеке гигиена заттары (бірінші қажеттілік): балалар кремі, крем-сабын, кір сабын, тіс пастасы, балалар сусабыны, тіс щеткасы, кір жуатын ұнтақ кірді. Мұндай жиынтықпен табысы аз отбасылардан шыққан балалар АӘК тағайындау кезеңінде тоқсанына бір рет қамтамасыз етілетін болады. 6 жастан 18 жасқа дейінгі балаларға арналған кепілді пакет 4 бөліктен тұрады. Оған: оқу орны бойынша бір реттік мектептегі тамақтануы, мектеп формасымен қамтамасыз ету, мектеп жабдықтарымен қамтамасыз ету, қалалық көлікте жол жүрудің 50% - ын өтеу кіреді, - делінген хабарламада.

Мектеп формасының, сондай-ақ мектеп керек-жарақтарының жиынтықтарымен балалар жылына бір рет қамтамасыз етілетін болады. Оларды сатып алуға арналған сертификаттар оқу жылы басталар алдында, тамыз айында беріледі деп жоспарланып отыр.

Ұлдарға арналған мектеп формасының жиынтығына келесі атаулар кіреді: пиджак, жилет, шалбар, мерекелік көйлек, күнделікті көйлек, қысқы уақытта – трикотаж кеудешесі. Қыздар үшін: пиджак, жилет, юбка, классикалық жейде. Қысқы уақытта-трикотаж кеудеше мен сарафан, - делінген хабарламада.

Бастауыш, орта және жоғары сынып балаларына арналған мектеп керек-жарақтарының жиынтығы өз құрамы бойынша ерекшеленетін болады деп болжануда.

Бастауыш мектеп оқушыларына арналған комплектке: рюкзак, күнделік, 20 дана жұқа дәптер, қаламсауыт, сурет альбомы, шарикті қаламдар – 5 дана, жай қарындаштар – 10 дана, мұқабалар – 15 дана, пластилин, акварельді бояулар, сызғыш және өшіргіш кіреді.
Орта мектеп оқушылары үшін жиынтықта: рюкзак, күнделік, 20 дана жұқа дәптер, жалпы дәптерлер – 10 дана, пенал, сурет салу альбомы, шарикті қаламдар – 5 дана, жай қарындаштар – 10 дана, мұқабалар – 15 дана, сызғыш және өшіргіш болады.

Жоғары мектеп оқушыларына арналған комплектке: рюкзак, күнделік, жұқа дәптерлер – 20 дана, жалпы дәптерлер – 10 дана, қаламсауыт, шарикті қаламдар – 5 дана, қарапайым қарындаштар-10 дана кіреді.

Оқу орны бойынша күнделікті мектепте тамақтану белгіленген нормалар бойынша жүзеге асырылады.

Жеңілдетілген жол жүруге келетін болсақ, "Қазақстан Республикасындағы көлік туралы" заңның 13-бабы 7-ден 15 жасқа дейінгі балаларға қоғамдық көлікте билет бағасынан 50% жеңілдік түріндегі жол жүруге кепілдік береді.

baq.kz 




Көрілген: 1234    Пікірлер: 0

жексенбі, 08.12.2019, 11:35

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31