Сұрақ-Жауап. Кеңес

Тағылымы мол 5 оқиға

  • © kznews.kz

    © kznews.kz

1. Ферма қожайыны тышқан аулайтын қақпан қойыпты. Оны байқаған тышқан көрген-білгенін тауыққа, қойға және сиырға жеткізеді. Ал олар болса: «Қақпан — сенің проблемаң! Бізге оның еш қатысы жоқ! Өз шаруаңды өзің шеш» деп тышқанды сөйлетпей тастайды.

Кешкісін, қақпанға жылан түсіп, фермердің әйелін шағып алыпты. Күйеуі әйелі жақсарсын деп, тауықты сойып, сорпа дайындап беріпті. Ал әйелдің жағдайын сұрап келген қонақтарға қойды сояды. Жағдайы нашар әйел қайтыс болады. Ал садақа өткізуге сиырды сояды.

Осы көріністің барлығын тышқан өз інінен қарап отырыпты...

Түйін: Өзіңізге тікелей қатысы жоқ шаруаның, сізге мүлдем кесірі тимейді деп ойлау — үлкен қателік.


2. Бүркіт биік талдың басында отыр екен. Көңілі тоқ, абыройы бар бүркіттің ештеңе істемей отырғанына қызыққан қоян, бүркітке:

— Мен де сіз құсап, ештеңе істемей отырсам бола ма? — дейді.

— Әрине болады. Талдың түбіне отыра ғой, — дейді бүркіт.

Талдың түбіне жайғасқан қоянды, түлкі жеп қойыпты.

Түйін: Ештеңе істемей дем алу үшін — ұзақ еңбек жасап, абыройлы болу керек! Сонда ғана, түлкі сындылардың тісі батпайтын болады...


3. Фермада жылқы ауырып қалады.

Дәрігер:

— Жылқыға дәрі ектім. Егер таңертең оянбай қалса, өлді деп есептей беріңіз, — деп фермерге айтып кетеді.

Таң атты. Жылқы оянған жоқ. Қасында жатқан қой:

— Досым тұрсаңшы! Әйтпесе, сен өлесің, — деп жылқыны оятып алыпты.

Фермер:

— Міне керемет! Мен өте қуаныштымын! Бұл жағдайды атап өту керек, — деп қойды сойыпты.

Түйін: Өзіңізге қатысы жоқ іске — ешқашан араласпаңыз. Бірақ, қақпан туралы әңгімені де ұмытпағаныңыз жөн!


4. Жұмыс істеп жатқан үш жігітті көрдім. Бірі тас шауып жатыр, екіншісі нұсқау беріп жатыр, ал үшіншісі жай қарап тұр екен. Оларға:

— Не істеп жатырсыңдар? — дегенімде, бірі:

— Қиналып, жұмыс істеп жатырмын, — деді.

— Мен жұмыс жасатып, ақша тауып жатырмын, — деді екіншісі. Ал үшіншісі:

— Ал мен — Зәулім сарай салғызып жатырмын, — деді.

Түйін: Арманы жоқ адамды — арманы бар адам басқарады.


5. Такси жүргізушісі танымал миллионерді мінгізіпті. Үйіне жеткен миллионер, таксиге 500 теңге ғана береді.

Таксист:

— Мен кеше сіздің ұлыңызды осы үйге әкелдім. Ол маған 2000 теңге артық берді де, қажетіңе жарат деп қуантқан еді.

— Мен ол сияқты артық ақша жұмсамаймын! Себебі, оның әкесі — миллионер болса, мен — жетіммін.

Түйін: Маңдай термен тапқан табысын, ешкім артық жұмсамайды. 


reactor




Көрілген: 1422    Пікірлер: 0

дүйсенбі, 22.04.2019, 21:36

Достарыңмен бөліс:

  • СОҢҒЫ ЖАРИЯЛАНЫМДАР:
    14 Шілде, 22:45
    Өзіңді дамыту
    16 Маусым, 20:02
    Ақша үнемдеудің 5 жолы
    3 Мамыр, 20:09
    ӨМІРДІҢ 30 ҚАҒИДАСЫ
    28 Сәуір, 19:29
    Қарыз беру керек пе?
    22 Сәуір, 21:36
    Тағылымы мол 5 оқиға
    20 Сәуір, 17:45
    Қыздан да артық...

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    шілде
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31