Алаш үні

Аида Балаева жас тарихшылармен кездесті

  • Фото: Ruh.kz

    Фото: Ruh.kz

Бүгін саяси қуғын-сүргін және ашаршылық құрбандарын еске алу күні қарсаңында ақпарат және қоғамдық даму министрі Аида Балаева жас тарихшылармен кездесті.

 

Іс-шара “АЛЖИР” музей-мемориалдық кешенінде “Тарихи сана – Тәуелсіздіктің рухани тұғыры” тақырыбында өтіп, саяси қуғын-сүргін және ашаршылық тарихы бойынша зерттеулердің нәтижелері таныстырылды.

 

Кездесуге жас тарихшылар мен ғалымдар, саяси қуғын-сүргін құрбандарын толық ақтау жөнінде мемлекеттік комиссияның өкілдері, ғылыми-зерттеу орталықтарының, мұрағаттар мен музейлердің қызметкерлері қатысты.

 

Ақпарат және қоғамдық даму министрі Аида Балаева:

 

- Тәуелсіздіктің 30 жылдығын атап өтудің тұжырымдамасы мен іс-шаралар жоспарына сәйкес мамыр айы “Ұлттық бірлік, бейбітшілік және тұрақтылық” тақырыбымен өтуде, бұл биыл 31 мамыр, саяси қуғын-сүргін және ашаршылық құрбандарын еске алу күніне ерекше мән береді.

 

Министр, өз кезегінде, Тұңғыш президент – Елбасы Н.Назарбаевтың шешімімен 1997 жылдан бастап жыл сайын Қазақстанда 31 мамыр Саяси қуғын-сүргін құрбандарын еске алу күні ретінде атап өтілетінін еске салды.

 

 Фото: Ruh.kz

 

Аида Балаева бүгін Қазақстанда тарихымыздың жекелеген кезеңдерін жан-жақты зерттеуге мүмкіндік бар екенін атап өтті және тарихшылардың жас буынын осы бағытта академиялық жұмыстар жасауға шақырды. Кездесуге қатысушылар Тәуелсіздік алғаннан кейін тарихты объективті зерттеуге, нақты фактілерді білуге және оларды қайта ой елегінен өткізуге мүмкіндік туындағанын атап өтті. Іс-шара барысында Парламенті Мәжілісінің депутаты Е.Бейсенбаев, тарихшы ғалымдар М. Қозыбаева, К. Батталов, М.Жылгелдинов, Х.Маслов және т. б. сөз сөйледі.

 

Кездесу тақырыбын талқылау барысында Аида Балаева:

 

Қазақ халқының 20-30 жылдардағы тарихының қаралы беттерін зерделеу, большевиктердің қылмыстары туралы ақиқатты ашу қандай да бір басқа халыққа қарсы бағытталған іс-әрекет ретінде қарастырылмауы тиіс. Аладай, тарих барлық халықтарды өткеннің қайғылы қателіктерін қайталамауға үйретіп, ескертуі керек. Әсіресе, өскелең ұрпақты тарихымыздың ақиқатына қаншалықты ащы болса да үйретуіміз қажет. Сондықтан Президенттің тапсырмасы бойынша саяси қуғын-сүргін құрбандарын толық ақтау жөніндегі мемлекеттік комиссия құрылды. Енді тарихи құжаттарды зерделеп, нақты деректерге негізделген сенімді зерттеу жүргізілетініне сенімдімін, – деп атап өтті.

 

 

 

 




Көрілген: 1346    Пікірлер: 0

сейсенбі, 01.06.2021, 00:50

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    шілде
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31