Алаш үні

ЕЛ БІРЛІГІ – ЕЛ МҰРАТЫ

  • ЕЛ БІРЛІГІ – ЕЛ МҰРАТЫ

    ЕЛ БІРЛІГІ – ЕЛ МҰРАТЫ

Қазақстан Республикасының Тұңғыш Президенті, Елбасы Нұрсұлтан Әбішұлы Назарбаев Халыққа жолдаған әрбір жолдауында Тәуелсіз Еліміздің асыл мұраттарына алтын қазық болар терең де мағыналы ойларын ортаға салумен келеді. Елбасының әр қадамының астарынан сан ғасырлық бабалар армандаған аялы үміттердің алауын көремін. Елбасы бұл жолы да жүрегі бар кісіні тебірентер, санасы бар адамды теңселтіп жіберер ұлы шешімге қол қойды. Барлығы да Тәуелсіздігіміздің баяндылығы үшін, ел бірлігі мен тірлігі үшін!

Біз тоқсаныңшы жылдары әдебиет босағасынан жас ақын болып аттадық. Тәуелсіздікпен бірге жеттік, жетілдік. Өстік, өндік. Көшеде жүріп елдің бірлігін көкседік, халықтың ыңтымағын жырладық. Сол кезде Елбасы маңдайымыздан сыйпап, арқамыздан қақты. Жас қаламгерге тиесілі барша қамқорлығын жасады. Далада қалған жастарды баспанамен қамтамасыз етті. Кітабымызды шығартып, лайықты мемлекеттік сыйлықтармен марапаттады. Еңбегімізді еледі. Күні бүгінде таңдаулы қазақ қаламгерлерінің шығармаларын әлемнің айтулы алты тіліне аударылып, кітап боп шығып, дөңгелек Жердің жүзіне қазақ әдебиетінің кеңінен таңылуына мүмкіндік жасап отырған Қазақстан Республикасының Тұңғыш Президенті, құрметті Елбасыға көңіл төріндегі ризашылығымыз сарқылмақ емес. Екіталай кезеңде жүрегін алау ғып жағып, сәби сияқты ақ-адал елін қанаттыға қақтырмай, тұмсықтыға шоқыттырмай сақтаған, мынау ұлы жаһанда қазақ баласына сара жол бастаған қаһарман ұл – Ол Нұрсұлтан Әбішұлы Назарбаев болып тарихтың алтын қақпасында мәңгіге жазылып қалады деп ойлаймыз.

Қазақ деген дана халық ежелден әрбір істің байыбына барып парасатқа жүгініп отырған. Алладан еліміздің естияр перзенттеріне ауыз бірлік, ынтымақ және Мәңгілік Ел боламыз деген ұлы байламның аясындағы ақ туы биіктей беруін тілеймін.


Маралтай Райымбекұлы,

ақын, ҚР еңбек сіңірген қайраткері


 




Көрілген: 1348    Пікірлер: 0

сәрсенбі, 20.03.2019, 12:50

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31