Алаш үні

Ерланға “Халық қаһарманы” атағы берілсін!

  • Ерланға “Халық қаһарманы” атағы берілсін!

    Ерланға “Халық қаһарманы” атағы берілсін!

Бүгін Ерлан Балғабекұлы Нұрғалиевтің туған күні. Ол 13-қаңтар күні Қарағанды ​​облысының Нұра ауданында броконьерлермен қақтығыс кезінде ауыр жарақат алған болатын. Өкінішке қарай, Астаналық дәрігерлер Ерланның жанын аман алып қала алмады.


Ақбөкендерге араша боламын деп өз өмірін қиған Ерланның ерлігі қоғамда қызу талқыланды. Ал, мәжіліс депутаттары осы оқиғадан кейін Ерлан Нұрғалиевке “Халық қаһарманы” атағын беруді ұсынған еді.


Жамбыл Ахметбеков, мәжіліс депутаты:


- Бүкіл қоғам алдында берген антын берік ұстанып, мемлекеттік қызмет саласында жүріп, соңына дейін күресіп, қайтыс болған біздің қорықшыны мемлекеттік марапатқа ұсынуды сұрап отыр. Кейбір еріктілер оның есімін ұлықтау мақсатында қолында еліктің лағын ұстап тұрған суретінің негізінде ескерткіш орнатпақшы. Мұның барлығы халықтың өз батырын қалай құрметтейтінін көрсетеді. Сонымен қатар, браконьерлермен күрес жолында ерлік танытқан Ерланның әріптесі - Петр Ницык те марапатқа лайық деп санаймыз", - деген болатын.


Ал, қорықшының өліміне кінәлілердің аты-жөндері бірнеше күн бойы айтылмады. Қарақшылар тек бір аптадан соң ғана Қызылорда облысынан табылды деген ақпарат шықты. Алайда, ІІМ олардың аты-жөндерін неліктен жасырып келгендері белгісіз.


Қалай десек те, Ерлан Нұрғалиевтің қазасы біздегі Заңның әлсіздігін тағы да бір дәлелдеп берді. Яғни, қарақшыларға табиғаттағы аң түгілі, адамды ата салу да түк емес екен. Тағы бір өкініштісі, Ерлан ауыр жараланғанына қарамастан емханаға бір күннен кейін жеткізілген. Ал, санитарлық авиация ұшағын пайдалануға ауа райы қолайсыз болыпты-мыс.


Түйін.


Өз кәсібіне адалдықтың үлгісін көрсетіп кеткен Ерлан Нұрғалиев шын мәнінде Халық Қаһарманы болуға лайық! Сондықтан, мәжіліс депутаттары бастаған істерін орта жолдан тастамай, осындай азаматтың ерлігіне лайық баға берілуіне атсалысу керек. Ал, мұндай ұсынысты қоғам қолдайтыны сөзсіз.


Нұрбике Бексұлтанқызы


Abai.kz




Көрілген: 1237    Пікірлер: 0

сәрсенбі, 30.01.2019, 22:54

Достарыңмен бөліс:

  • СОҢҒЫ ЖАРИЯЛАНЫМДАР:
    25 Қаңтар, 22:28
    «МЕНІҢ ЖӘНІБЕГІМ!»

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    маусым
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30