Қазақтар жиналып алып өтірік әңгіме айтып отырады

08 наурыз 2021, 22:42

Асқар Жұмаділдаев:
1. Қазақта сөз бен өсек көп қой. "Әкесі көмектескен ғой" деп айтпасын деп балама математик болмай-ақ қойшы дедім.
2. Мешітке барсаң молдалар мен қазақтар жиналып алып бір-біріне ақыл айтып отырады. Маған да айтқысы келеді. Бірақ мен тыңдамаймын оларды. Басымды қатырма деймін.
3. Елдің екі түрі бар. Жетекші ел және жетектегі ел. АҚШ пен Қытай жетекші ел. Қазақстан жетектегі ел.
4. Қытайдың ақылдылығы жетекте жүріп АҚШ-тың бар технологиясын үйреніп алды. Өзі шығара білді.
5. Жаназаға барсаң банкет секілді болып кеткен. Тамада жалдайтын болған. Қазақтар жиналып алып өтірік әңгіме айтып отырады.
6. Менен қарыз ақша алып баласының тойын жасайтындар бар. Қарызды қайтармайтынын біліп менің жапқан шапаным болсын деймін. Кейін қарасаң жастар ажырасып жатады. Сонда бар шалбарыңды сатып той жасағаннан не шықты?
7. Қоғамда нақтылықтың жоқтығы біздің санамыздағы реализмнің жоқтығынан. Қазақ қияли халық.
8. Қымыз, ет, қазымен әлемді мойындатамын деу күлкілі. Әлем 99% қазыны емес гамбургерді мақтайды.
9. Қазы мен ақын қазақтан басқа ешкімге керек емес. Реали тұрғыда қарау керек.
10. Қазақ мәңгілік ел боламын десе технократтық елге айналуға міндетті!

Бейсенгали Кокейдің фейсбуктегі парақшасынан