Алаш үні

Қостанайда 1939 жылы латын қарпінде шыққан Абай өлеңдерінің жинағы табылды

  • © ҚазАқпарат

    © ҚазАқпарат

Қостанайда 1939 жылы латын қарпінде жарық көрген Абай өлеңдерінің жинағы табылды, деп хабарлайды   ҚазАқпарат тілшісі.

 

Кітапты алғаш ҚР Ішкі істер министірлігіне қарасты Шырақбек Қабылбаев атындағы Қостанай академиясының қызметкері Мырзабек Тұйғанов жұмыс орнына әкеліп, әріптестеріне таныстырған.

 

«Құнды еңбек маған нағашы атамның інісі, марқұм Серемет Асыблекұлынан мұра болып қалған. Ол кісі кітапты көп оқитын және сирек шығарылатын шығармаларды жиі жинайтын еді. Жас кезімде ауылға бір барғанымда нағашым осы латын қаріпінде жарық көрген Абайдың өлеңдер жинағын сыйға тартқан болатын. Сол уақыттан бері кітап менің үйімде сақталып келді. Биыл Ұлы Абайдың туғанына 175 жыл, оған қоса Елбасы Н.Ә.Назарбаевтың бастамасымен елімізде латын әліпбиіне көшу жұмыстары жүргізілуде. Сондықтан, кітапты үйде сақтағанша, онымен арнайы тіл мамандары танысып, зерттесін деген ниетпен таныстырып отырмын, - деді кітап иесі Мырзабек Тұйғанов.

 

 

Кітаптың алғы сөзін Сәбит Мұқанов жазған. Құнды еңбекке ұлы ақынның өлеңдерімен қатар «Ескендір», «Әзім әңгімесі», «Масғұт» поэмалары енген.

 

«Абай өлеңдері топтастырылған кітап негізі екі том болып жарыққа шыққан. Табылған соның бірінші томы. Екінші томы 1940 жылы Мұхтар Әуезовтің алғы сөзімен жарық көрген екен. Кітаптың сыртқы мұқабасы тозған, алғашқы бетіндегі алғы сөздерден бірнеше бет және соңындағы түсініктемелерден бірнеше бет жоғалған. Ал қалған өлеңдер мен поэмалары толық сақталған», - деді Шырақбек Қабылбаев атындағы Қостанай академиясы коммуникация бөлімінің басшысы Құрбанәлі Ермұратов.

 

Мырзабек Тұйғанов кітапты ҚР Ішкі істер министірлігіне қарасты Шырақбек Қабылбаев атындағы Қостанай академиясының мұражайына табыстаған.

 

Айта кетейік, академия мұражайында бұған дейін Мұхтар Әуезовтың домбырасы, сонымен қатар Шырақбек Қабылабевтың жеке бұйымдары мен қолжазбалары сақталған.

 

 




Көрілген: 559    Пікірлер: 0

сейсенбі, 15.09.2020, 13:10

Достарыңмен бөліс:

  • СОҢҒЫ ЖАРИЯЛАНЫМДАР:
    22 Қыркүйек, 15:31
    Қалай жазғанымыз дұрыс?..
    21 Қыркүйек, 10:27
    Ол махаббат əні еді!
    11 Қыркүйек, 08:53
    Ташкентте болған той
    7 Қыркүйек, 10:27
    Қазақтың қайсар Қасымы
    24 Тамыз, 15:32
    Атасының баласы...
    25 Шілде, 11:21
    Алтын кілт
    10 Шілде, 15:16
    Әуезов Америкада
    30 Маусым, 10:29
    Ұлы империя мұрагері
    17 Маусым, 16:39
    Абайдың атын қимайды
    15 Маусым, 12:32
    Әлем таныған Абай
    12 Маусым, 16:35
    Абай және Бауыржан
    8 Маусым, 14:21
    Абай және Мұстафин

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30