Алаш үні

Ринат Зайытов өзінің саяси партиясын құра ма? Ақынның өзі жауап берді

  • Ринат Зайытов өзінің саяси партиясын құра ма? Ақынның өзі жауап берді

    Ринат Зайытов өзінің саяси партиясын құра ма? Ақынның өзі жауап берді

Айтыскер ақын Ринат Зайытов сайлаудан кейінгі ұсталуына қатысты пікір білдірді. Ринат не себепті халықтан тізерлеп кешірім сұрады? Ол өзінің саяси партиясын құра ма? Бұған ақынның өзі жауап берді.


Бұл туралы Ирина Советжанқызының "Қамшы-сұхбат" хабарында айтылды.


Ринаттың айтуынша, митингіге шыққаннан халық ұтпайды, керісінше ұтылады. Себебі онда қантөгіс болуы мүмкін.


"Митингіге біз аяқ астынан шықтық. Мені қамайтынын алдын ала білдім. 15 күнге қамайтын шығар дедім. Бірақ мені жастардың талабынан соң босатты. Сол сәтте өзімді бақытты ақынмын деп сезіндім. Жастардың мені қолдап шығатынын білмедім. Митингіден халық ұтпайды, ұтылады. Қантөгіс болған жағдайда, біреу бауырынан, біреу қарындасынан айырылуы мүмкін. Ондай жағдайдың болғанын қаламаймын. Сондықтан полицияға қарсыласпаған себебім сол", - деді ақын.


Зайытов не себепті халықтан тізерлеп кешірім сұрағанын айтты. Бұл жайт сайлау мен Әміржан Қосановқа тікелей байланысты екені белгілі.


"Маған егер алданып қалсаң не істейсің деген сұрақ қойды. Сол кезде "халықтан тізерлеп кешірім сұраймын" дедім. Қосановқа алдандым. Сондықтан айтқанымдай кешірім сұрадым. Мені түсінген халық кешірді деп ойлаймын. Әміржан Қосановтың атын да атағым келмейді. Оның өзінен "сізге алданып қалмаймын ба? "деп сұрағанымда, "жоқ, бауырым, бәрі дұрыс, ерекекше сөзім" деген еді", - деді Ринат.


Ол бүгінде партия құрудың шартын қарап жатқанын айтты. Бұрынғы ұстанымы мен көзқарасының өзгермегенін жеткізді. Алайда жанында ешқандай сенімді серігі жоқ екенін мойындады.


"Мен партия құрудың қандай талаптары бар екенін де білмеймін. Оны алдын ала зертету керек. Бәрі партия құру туралы айтып жүр екен. Әблязов деген сәуегей "билік Ринатқа партия ашып береді" депті. Оның сөзінің өтірігін дәлелдегім келеді. Қазір қасымда сенетін адамым да жоқ. Партия құрмай қалғанның өзінде де мен пікірімнен, көзқарасымнан айнымаймын", - деді ол.


Айта кетейік, бұған дейін алаңға шыққан Ринатты полицейлер ұстап әкеткен еді. Ринат сайлауда Әміржан Қосановты қолдауға шақырғаны үшін халықтан кешірім сұрады. Кейін өзін полицейлердің босатқанын айтып видео жариялады.


stan.kz




Көрілген: 3716    Пікірлер: 0

жұма, 05.07.2019, 21:42

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31