Құқықтық реформа

Сот-құқықтық реформа сәтті жүргізілуде

  • Сот-құқықтық реформа сәтті жүргізілуде

    Сот-құқықтық реформа сәтті жүргізілуде

Жүргізіліп отырған реформалар тұр­ғысынан алғанда, Қазақстанның қа­зіргі дамуы жағдайында конститу­цио­нализмнің идеялары мен принциптерін, олардың таралу деңгейі мен ұлттық заңнамада іске асырылу динамикасын терең түйсіну қажет. Бұл құқықтық постулаттар іске асуының негізгі нысаны ретінде Конституция түбегейлі қоғамдық қатынастарды реттейтін ең жоғары саяси-құқықтық акт болып табылады, сондықтан жаһандық сын-қатерлерге және мемлекет дамуының қажеттілігіне сәйкес оны одан әрі жетіл­діріп отыру қажет.

Мемлекеттің Негіз­гі Заңының мазмұнында жалпы адами да, ұлттық та асыл мұраттар көрсе­тіліп, қоғам мен мемлекет тіршілігінің әлеу­меттік-экономикалық, саяси, мәдени-гуманитарлық және өзге де салалардағы сұраныстарына сай болуға тиіс. Халыққа арнаған Үн­деуінде Мемлекет басшысы былай деп атап өткен болатын: «Реформалар бағдарламасы – бұл Қазақстан қай бағыт­та барады деген сұраққа біздің жауа­бымыз. Жауап айқын әрі дәйекті – демо­кратиялық даму жағына».

Демократиялық құқықтық мем­­лекеттің жұмыс істеуін қамта­масыз етудің бірден-бір шарты ретінде судьялардың дербестігі мен тәуел­сіздігінің кепілдігін күшейту ре­фор­маның негізгі мақсаты болды. 1995 жылғы Конституция, сол жылы қабылданған «Қазақстан Республикасындағы соттар және судьялардың мәртебесі туралы» Конституциялық заң күші бар Жарлыққа сәйкес Президент жергілікті соттарды тағайындаса, Жоғарғы Соттың судьяларын Пар­ламент Сенаты тағайындады. Төр­е­лік сот таратылды. Судьялар ал­ғаш­қы рет тұрақты мерзімге тағайын­далды. Жоғары Сот Кеңесі мен Әділет біліктілік алқасы құрылды. Тәуелсіздіктің алғашқы жылдары сот жүйесінде жүргізілген реформалардың алды осындай еді. Елбасы Әділет органдары, сот төрелігін атқарудағы түбегейлі өзгерістерсіз экономикадағы өзгерістерді тұрақтандыру мүмкін еместігін білді.

Азаматтардың конститу­ция­лық құқықтары мен бостан­дықтарын қорғауда, мемлекеттік-құқықтық құрылымдардың тұ­рақты жұмыс істеуі үшін қажетті жағдайларды құруда, ішкі саяси тұрақтылық пен қоғам бірлігін сақтауда құқық қорғау жүйесінің маңызды институты ретінде тәуел­сіздік жылдарында сот, про­куратура органдарының ерекше рөлі қалыптасты.

Еркенұр Ерзия

 




Көрілген: 5867    Пікірлер: 0

дүйсенбі, 07.05.2018, 19:58

Достарыңмен бөліс:

2
СОҢҒЫ ЖАРИЯЛАНЫМДАР:

Көп ашылған Көп пікір жазылған
2020
2008
2009
2010
2011
2012
2013
2014
2015
2016
2017
2018
2019
2020
қаңтар
қаңтар
ақпан
наурыз
сәуір
мамыр
маусым
шілде
тамыз
қыркүйек
қазан
қараша
желтоқсан

Алаш Айнасы мұрағаты

Дс Сс Ср Бс Жм Сн Жс
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31