Заң алдында барлық адам бірдей жауап береді

28 желтоқсан 2021, 16:16

Кейбір азаматтар кей кезде шалыс қимылдап қылмыстық әрекеттерге барады да, оқыс оқиғаларға ұрынып жатады. Алайда, бәріміз де заң алдында жауап береміз. Талай «құқық бұзушылықтар» соттың жағдайға қарап, кешірім жасап кеңшілік танытуы арқасында темір тордың арғы жағына жөнелтілмей, ел ішінде қалып тұрмыс тіршілігін күйттеп жатыр. Алайда, соттың берген мүмкіншілігіне карамай, адамдар уақытымен соттың үкіін орындамай жатады.

Мысалы айтсақ, 26.05.2021 жылы Солжағалау аудандық пробация қызметі бөліміне ҚР ҚК-нің 191 бабы 1 бөлігі, 1,3 тармақтарына сәйкес 4 жыл мерзімге бас бостандығынан шектеу жазасына сотталған Д.А.И-қа қатысты сот үкімі келіп түсіп, сотталған есепке қойылды. Бірақ, сотталған есепке тұруға келген жоқ. Пробация қызметінің қарамағынан жұмыстар атқарылды, яғни сотталғанды іздестіру шаралары жүргізілді. Атап айтсақ, сотталғанның мекен-жайы, көршілері тексерілді, базалар арқылы сотталғанның бұрын тіркеуде болған жерлеріне, сонымен қатар, әр түрлі мекемелерге сұранымдар жіберілді. Ешқандай нәтижелер берілмеген соң, 06.08.2021 жылы Өскемен қаласы №2 сотының қаулысымен сотталғанға қатысты іздеу жарияланды. 29.08.2021 жылы сотталған Д.А.И Өскемен қаласы полиция басқармасы жедел уәкіл қызметкерлерімен Ұлан ауданы Атығай ауылынан ұсталғандығы және ОВ 156/1 мекемесінде қамауда отырғаны туралы ПҚБ-не хабарлама келіп түсті. Осыдан кейін, 07.09.2021 жылы сотталғанға қатысты бас бостандығынан шектеуден бас бостандығынан айыру жазасына ауыстыру жөнінде сұрақты шешуге Өскемен қаласы №2 сотына іс-құжаттар жіберілді. Сот отырысы «WHATSAPP» желісі арқылы 20.09.2021 жылы 15 сағат 00 минутқа тағайындалды. Сотталған Д.А.И бас бостандығынан шектеу жазасын міндеттерін өтеуден, тұрғылықты мекен-жайы туралы жалған ақпарат бергендігін және де сотпен тағайындалған міндеттерді қасақан орындамағаны, пробациялық бақылаудан жасырынып жүр деп өтелмеген жазасы 3 жыл 7 ай 24 күн мерзімге бас бостандығынан айыру түріндегі жазаға ауыстыру туралы Солжағалау аудандық пробация қызметі бөлімінің ұсынымы қанағаттандырылды.

  Г.М.Таткенова, ШҚО бойынша ҚАЖД

Солжағалау аудандық

пробация қызметі бөлімі

аға инспекторы

әділет аға лейтенанты