Құрбан айт - 2014

Құрбан айтта туыстардың үйіне міндетті түрде айттау керек пе?

  • Нұрғиса Елеубеков (фото)

    Нұрғиса Елеубеков (фото)

Қазір жұмыс деген бастан асады. Осы ретте сұрайын дегенім, Құрбан айтта жақын туыстардың үйіне міндетті түрде айттап бару керек пе, әлде құрбандық шалып қана қойып, жақындардың үйін араламай-ақ қойсақ бола ма?

Ерзат,
Қызылжар қаласы

Құрбан айт мейрамында әке-шешелерімізге, ауру-науқастарға, туған-туыстарға, достарымызға айттап барып, хал жағдайын білу – үлкен сауапты іс. Алла Тағала Құранда: "Аллаға сыйыныңдар, Оған ештеңе теңестірмеңдер, ата-аналарыңа, туыстарыңа, көршілеріңе, жора-жолдастарыңа, мүсәпірлерге, қол астыңдағыларға жақсылық жасаңдар",- деп бұйырған. Пайғамбарымыз (с.ғ.с) да: "Ата-ана разы болмай, Алла разы болмайды" деген. Сондықтан айт күндері ең бірінші ата-ананы қуантып, ризалығын алу қажет. Алла Елшісі (с.ғ.с): "Ең алдымен Анаңа, Анаңа, Анаңа, содан кейін әкеңе, әкеңнен кейін жақындық дәрежесіне қарай туысыңа жақсылық жаса", - деген. Ендеше бұл күн ата-ананың разылығын алатын күн. Ал ата-аналары бақилық болғандар, Құрбан айт күні оларға арнап құран оқып, сауабын бағыштайды. "О, Алла, о дүниеде әке-шешемізді жарылқай гөр, оларды тозақ отынан сақтап, жандарын жәннаттан ете гөр! ", - дұға жасау керек.

Жалпы айт күндері туған-туыстарды, көршілерді, дос-жаранды мерекемен құттықтап, дастархан жайып, ұлық мейрамның сәні мен салтанатын арттыру – Құрбан айттың өзіне тән жарасымды һәм сауапты амалдарынан. Сондықтан да Құранда: "Ата-анадан кейін туыстарыңа жақсылық жасаңдар", - делінген. Жалпы туыстармен қатынасты үзбей керісінше нығайту, қарайласу – мұсылманның міндеті. Пайғамбарымыз (с.ғ.с): "Кімде-кім Аллаға сенгеннен кейін туыстарына қарайласпаса, оларға лағнет жаусын", - деген. Сондай-ақ шариғатымыз ғибадат амалдарымыздың қабыл болуына туыстық қатынастың жақсы болуын шарт етіп қойған. Демек әркім қолынан келгенше туыстарымен араласып, оларға жақсылық жасауы керек. Әйтпесе Алла құзырында амалдарымыздың салмағы болмайды. Айт мерекесінде міндетті түрде олармен жүздесіп, аман-саулық сұрасып, сыйласу туыстықты нығайтады әрі мерекеге шырай қосады.

Діни мерекелерде көршілерімізді де құттықтау мойнымыздағы міндет. Ислам тағлымдарында: "Көршің ауырып қалса, көңiлiн сұра. Қайтыс болса, жаназасына қатыс. Сенен қарыз сұраса, қарыз бер. Қиналса, көмек бер. Жолы болып ырысқа кенелсе, құттықтап қой. Пәлекетке дұшар болса, жұбат. Үйiңнiң шатырын оныкiнен биiк етпе, оның желiне бөгет боласың. Сенiң не пiсiргенiңдi ол бiлмесiн, немесе пiсiргенiңнен оған да бер", - деп Пайғамбарымыз (с.ғ.с.) көршi ақысы жайында өсиет етiп кеткен. Тіпті бiр хадисте: "Аллаға және ақырет күнiне иман келтiрген адам көршiсiне жақсылық жасасын", - делiнген. Халқымызда: «Алыстағы туыстан, жақындағы көршi артық», - деген нақыл осыдан шықса керек.




Көрілген: 4525    Пікірлер: 0

сәрсенбі, 24.09.2014, 13:44

Достарыңмен бөліс:

2
  • СОҢҒЫ ЖАРИЯЛАНЫМДАР:
    24 Қыркүйек 2014
    Айттық деген не?
    23 Қыркүйек 2014
    Құрбан айт намазы
    23 Қыркүйек 2014
    Құрбан айт батасы

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    қараша
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30