Қылмыс

Адам өлтірген 27 жастағы жігітті қызметтік ит ұстап берді

  • https://chr.aif.ru/

    https://chr.aif.ru/

Солтүстік Қазақстан облысында 58 жастағы ер адамды өлтірген қылмыскерді қызметтік ит ұстап берді, деп хабарлайды ҚазАқпарат тілшісі.

 

Солтүстік Қазақстан облысы Полиция департаменті баспасөз қызметінің мәліметінше, Аққайың ауданында 58 жастағы ер адамды өз пәтерінде пышақтап кеткен.

 

Аудандық полиция бөлімінің қызметкерлері күдіктіні анықтады. Алайда бірер үйден кейін тұратын 27 жастағы жастағы жігіт тұрғылықты жерінде болмай шықты.

 

Күдіктіні анықтау үшін Есіл ауданынан кинолог шақыртылып, ол қызметтік итімен бірден ізге түсті. Елді мекен көшелерінің бірінде күдікті тәртіп сақшыларын байқап қалып қашқанымен, көп ұзамай ұсталды.

 

Қазіргі таңда қылмыстық іс сотқа берілді.

 

Қылмысты ашуға көмектескен Амур атты неміс овчаркасына 3,5 жыл ғана. Есіл аудандық полиция бөлімінің кинолог-инспекторы, полицияның аға лейтенанты Виктор Рейбандт бұл итпен екі жылдан бері жұмыс істейді. Осы аралықта оның көмегімен 18 қылмыс ашылды.

 

Негізінен ұрлыққа қатысты. «Амур тәжірибелі иттердің санатында. Із кесуге үйретілген ол қылмыскерді де өзі тоқтата алады. Бірақ бұл жолы елдімекен көшесінде адам көп болғандықтан, тәртіп сақшылары күдіктіні өздері ұстады. Аса ауыр қылмысты «ізін суытпай» ашуға көмектескені үшін алты жылдық еңбек өтілі бар Виктор Рейбандт марапатталды», - дейді СҚО ПД Кинологиялық қызмет орталығының бастығы Самат Төлебаев.

 

Жыл басынан СҚО-да қызметтік иттердің көмегімен 730 түрлі қылмыс ашылды. Оның жартысы ұрлыққа қатысты. Сондай-ақ иттер 18 қарақшылық шабуылды және 4 кісі өліміне байланысты қылмысты ашуға көмектесті.

 

 

 




Көрілген: 307    Пікірлер: 0

жексенбі, 25.10.2020, 09:55

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30 31