26 қазанда Егіндікөл аудандық полиция бөлімі қызметкерлеріне Егіндікөл ауылындағы жергілікті ЖШС-ның бірінен ақша ұрланғалы жатқаны жайлы жедел ақпарат жеткен.
«27 қазанына қараған түні ақпаратты тексеру үшін аталған мекенжайға полиция жасағы жіберілген. Оқиға орнына келген полицейлер ЖШС аумағынан 7 740 260 теңге сомасындағы ақша бар сейфті шығаруға тырысқан екі ер адамды анықтады», - деп хабарлайды Ақмола облысы ПД баспасөз қызметі.
21 және 26 жастағы күдіктілер аталған кәсіпорында бірнеше айдан бері жұмыс істеп келген. Олардың екеуі де уақытша ұстау изоляторына қамалды. Ұсталған азаматтар осыған ұқсас қылмысы үшін бұған дейін де жауапкершілікке тартылған екен.
Күдіктілерге қатысты ҚР Қылмыстық кодексінің 24-бабының 3-бөлігі-188-бабының 4-бөлігі (Ұрлыққа оқталу) бойынша сотқа дейінгі іс басталды. Тергеу жалғасуда. Полиция қызметкерлері жұмыс берушілерді кадр таңдауда жауапкершілікпен қарауға шақырды.