Қылмыс

Алаяқпен телефонмен сөйлескен алматылық әйел 5,5 млн теңгесінен айырылды

  • Алаяқпен телефонмен сөйлескен алматылық әйел 5,5 млн теңгесінен айырылды

    Алаяқпен телефонмен сөйлескен алматылық әйел 5,5 млн теңгесінен айырылды

Интернет-алаяқтар Қазақстанда қайтадан белсенді бола бастады. Алматы тұрғыны алаяқтың құрбанына айналған. Ол өзінің қатысуынсыз бірден үш банкте жалпы сомасы 5,5 миллион теңгеге несиелер берілгенін айтады, — деп хабарлайды «Еуразия бірінші» арнасы. 

“Маған сіздің атыңызға несие рәсімдеу туралы хабарлама келді деп хабарласты. Мен ешқандай несиеге өтініш берген жоқпын дедім. Онда банк қызметкері хабарласып, мәселені реттеп береді, жеке куәлігіңізді дайындап отырыңыз деді. Өзін банк менеджерімін деп таныстырды. Қасымда 11 жастағы немерем болған. Соған тұтқаны беруімді өтінді. Немерем олардың айтқаны бойынша, телефонға бағдарлама орнатуды сұрады. Банкқа баратынымды айтқанда, маған бекерге уақытыңызды жоғалтасыз деді”, — дейді  жәбірленуші Марина Бостанжиева.

“Шынымен де, алдап жатыр деп ешқашан ойламайсыз. Өзім 80 000 жалақы аламын. Зейнетке дейінгі жастағы адаммын, келесі жылы зейнетке шығамын. Банк қызметкерлері қалайша оны білмейді? Ол жерде қабылдайтын адам бар. Ол менің зейнетақы жарналарыма, менің зейнетақы тарихымды қалай қарайды? Олар қазір барлық мәліметті біледі. Мен осы үш банкке бардым. Екі банк бас тартты, оларға рахмет”, — деді жәбірленуші.

Марина алаяқтардың банк қызметкерлерімен келісіп алғанын айтады. Ол полициядан көмек сұрады.

«Егер біз өткен жыл мен осы жылды салыстыратын болсақ, онда пандемияның басталуымен алаяқтардың саны артты. Біз қаржы институттарымен бірге тергеу жүргізілген қылмыстық істер шеңберінде сол адамдар үшін мәселені шешіп жатырмыз. Байқаусызда алаяқтардың құрбанына айналған, өздері алмаған несиелерді төлеуден босатылады», — деді қалалық полиция бөлімінің ресми өкілі Салтанат Әзірбек.

Осындай қылмыстардың тұтас сериясынан кейін депутаттар дабыл қағып, Қаржы нарығын реттеу және дамыту агенттігіне жүгінді. Айгүл Құспан несие беруден өз еркімен бас тартуды қарастыру қажет деп санайды. Егер норма қабылданған болса, онда олар тыйым салуды өтінген қазақстандықтар үшін несие сұрай алмайды.

13 маусым — Марина Бостанжиеваның несиелерін төлейтін алғашқы күн. Ол банктер оның жалақы шотын бұғаттайды деп қорқады. 5,5 миллион теңге — бұл оның отбасы үшін үлкен ақша.




Көрілген: 361    Пікірлер: 0

дүйсенбі, 14.06.2021, 09:05

Достарыңмен бөліс:



  • СОҢҒЫ ЖАРИЯЛАНЫМДАР:
    1 Шілде, 19:26
    Анасын ұрып өлтірді

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    шілде
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31