Алматыда жолда трюк жасаған акробат жүргізуші жазаланды

30 қыркүйек 2021, 11:09

Алматыда жолда видео үшін трюк жасаған акробат жүргізушіге айыппұл салынды, - деп хабарлайды Tengrinews.kz тілшісі.

Әлеуметтік желілерде ер адам акробатикалық трюк жасаған видео тарады. Видеода ол жүріп бара жатқан көліктен шығып, сальто жасап, қайтадан рөлге отырады.

 
Полиция жүргізушінің кім екенін анықтады. Ол - 27 жастағы қала тұрғыны. Жүргізуші қылмыстық жауапкершілікке тартылған.

"Жақында Instagram қолданушылары осы видеоға бізді белгіледі. Біз тексеріп, құқықбұзушыны анықтадық. Ол Әкімшілік кодекстің 590-бабы 2-бөлігі мен 593-бабы 2-бөлігімен әкімшілік жауапкершілікке тартылды. Көлік маркасы Toyota 4Runner, GRNZ 509 JRA 02", - деді Алматы қаласы полиция департаменті бастығының орынбасары Рүстем Абдрахманов.