Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

Алматыда кепілдегі пәтерлерді алып берем деп елді алдаған алаяқ ұсталды

21 желтоқсан 2017, 10:42

Алматыда арзан бағаға үй алып берем деп елді алдаған 34 жастағы әйел ұсталды, деп хабарлайды ҚазАқпарат тілшісі.

Ол адамдардың сеніміне кіріп, 10 млн теңгесін қолды еткен.

«34 жастағы әйел екінші деңгейлі банктерден кепілдегі пәтерлерді алуға болатынын айтып, елді алдап келген. Қысқа мерзімде баспананы нарықтық бағасынан 70 пайызға арзан алуға болады деп сендірген. Сөзіне иланған адамдар құжат жинап, әйелдің шотына 2 мың АҚШ долларын салуға тиіс болған. Белгілі болғандай, әйел банк саласында жұмыс жасамаған. Осы уақыт аралығында полицияға алаяқтық дерегіне байланысты 5 адам арызданып үлгерген. Алайда жапа шеккен адамдардың саны одан да артық болуы мүмкін. Осыған байланысты 254-47-00; 254-47-01; 254-47-59; 254-47-02 немесе 102 телефондарына хабарласуларын сұраймыз», - деді Бостандық аудандық ІІБ басшысы Даурен Өтебаев.

Осылайша әйел ҚР ҚК 190-бабының 3-бөлімімен көрсетілген қылмыс жасады деген күдікпен ұсталды.

Әйел өз кінәсін мойындап отыр.