Атырауда екі баланың анасы кәмелетке толмағандарға қатысты притон ұйымдастырғаны үшін жазаланды деп хабарлайды azh.kz.
2015 жылдың қыркүйегінде сот 32 жастағы азаматшаны ҚР Қылмыстық кодексінің 309-бабы (Жезөкшелiкпен айналысуға арналған притондар ұйымдастыру немесе оларды ұстау және жеңгетайлық) және 132-бабы (Кәмелетке толмаған адамды қылмыстық құқық бұзушылықтар жасауға тарту) бойынша кінәлі деп тауып, оны 5 жыл мерзімге бас бостандығынан айыру жазасын кескен еді.
- Алайда сот сотталушының екі кішкентай баласы бар екенін ескеріп, оның жаза өтеу мерзімін 5 жылға шегерді, - дейді Атырау қалалық пробация қызметінің инспекторы Айзере ДӘУЛЕТБАЕВА.
2020 жылдың қазан айында бұл мерзім аяқталғаннан кейін жеңгетай УГ-157/9 мекемесіне (әйелдер колониясы) жіберілді. Балаларын туысы қамқорлыққа алды.