Жезқазғанда қызғаншақ жігіт достарымен қарсыласының пәтеріне басып кірген

05 наурыз 2022, 12:20

Жезқазғанда қызғаншақ жігіт достарымен қарсыласының пәтеріне басып кірді, - деп хабарлайды Alashainasy.kz тілшісі Polisia.kz-ке сілтеме жасап.

1 наурызда Қарағанды ​​облысы Жезқазған қаласының ПБ-на 28 жастағы қала тұрғыны жүгінген.

 

Ер адамның айтуынша, түнде біреулер оның пәтеріне заңсыз басып кірген.

 

Жедел-іздестіру тобының қызметкерлері 35-42 жас аралығындағы үш ер адамды ұстады.

 

Белгілі болғандай, жәбірленуші бір әйелге бола шабуыл жасағандардың бірімен жанжалдасып қалған. Соңғысы достарын көндіріп, жеке мәселесін шешу үшін арызданушының үйіне келген.

 

ҚР ҚК-нің 149-бабы (Тұрғын үйге қол сұғылмаушылықты бұзу) бойынша қылмыстық іс қозғалды.

 

Қазіргі уақытта тергеу амалдары жүргізілуде.