Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

ЖСН арқылы несие: Алматыда алаяқтық жасаған күдікті ұсталды

23 қазан 2020, 15:35

Алматыда жергілікті тұрғынның атына ЖСН-ы арқылы несие алды деген күдікті ұсталды. Бұл туралы қалалық Полиция департаментінің өкілдері айтты, - деп хабарлайды Tengrinews.kz тілшісі.

"Аталған қылмысты жасады деген күдікпен бұған дейін де Алматы қаласында осындай қылмыстық әрекеттер жасаған әйел адам ұсталды. Сотқа дейінгі тергеу жүргізіліп жатыр", - Алматы қаласы ПД өкілдері. 
 
Жәбірленуші оқиғаның мән-жайын айтып берді. 

"21 қазанда біз полицияға бардық. Маған күдіктілер табылғанын айтты. Ұсталған әйел адам мен ер адам кінәсін мойындап, менің атыма қалай микронесие алғанын айтып берген. Менің IBAN-ымды банк операторлары арқылы біліп алған, ал ЖСН-ды өзім айтқанмын, SMS хабарламаны менің атыма тіркеген номер арқылы алған. Мен қылмыскерлер тез арада табылады деп ойламадым. Тергеуші Н.Темірғалиев, тергеу бөлімінің басшысы Е.Қамзабеков пен жедел уәкіл К.Сасановқа алғыс білдіремін", - дейді алматылық. 
Айта кетейік, бұған дейін алматылық тұрғынның Желіде ұялы телефонын сататыны туралы хабарлаған. Белгісіз біреу телефонды сатып алатынын айтып, ақша жіберу үшін сатушының ЖСН-ын сұраған. Сатушының картасына ақша артығымен түскен. Сөйтіп "сатып алушы" артық ақшаны қайтаруды сұраған. Артынша алаяқтар алматылық тұрғынның атына микронесие алғаны белгілі болған.