Қазақ қыздарын Бахрейнге жезөкшелікке сатқандарға үкім шықты

21 желтоқсан 2021, 22:39

Бахрейн Корольдігіне жезөкшелікке салу үшін қазақстандық қыздарды алдап қолға түсіру және жөнелту ісі бойынша сот талқысы аяқталды, деп хабарлайды Zakon.kz.

 

21 желтоқсанда Шымкент қаласының қылмыстық істер жөніндегі мамандандырылған ауданаралық соты трансұлттық ұйымдасқан қылмыстық топтың қатысушыларын кінәлі деп таныды.

 

Трансұлттық ұйымдасқан қылмыстық топтың басшысы С.Азадова 14 жылға бас бостандығынан айырылды. Қылмыстық топтың басқа да қатысушылары мен сыбайластары С.Ахмедов, Э.Беркина, Ш.Ахмедова, Ш.Тұрғынова 12 жылға бас бостандығынан айыру жазасымен сотталды; Р.Қосдәулетова, Э.Темірова 11,3 жылға бас бостандығынан айырылды; Р.Цесхладзе 10 жылға бас бостандығынан айырылды; С.Савинский және И.Мададов 6,8 жылға бас бостандығынан айырылды; З.Пичугина және Т.Азадова ҚР Қылмыстық кодекстің 55-бабының 4-бөлігі бойынша 1,3 жылға бас бостандығынан айырылды; Р.Гайнуллин ҚР Қылмыстық кодекстің 55-бабының 4-бөлігі бойынша үш жылға бас бостандығынан айырылды (сот залында қамауға алынды).

ҚР ІІМ баспасөз қызметі

 

Р.Гайнуллиннің жазасын қауіпсіздігі барынша жоғары қылмыстық-атқару жүйесі мекемелерінде өтеу бұйырылды, қалған сотталғандарға жазасын өткеру орны ретінде қауіпсіздігі орташа қылмыстық-сынақ жүйесі мекемелері тағайындалды.

 

Үш сотталушы сот үкімімен кінәлі деп танылып, ҚР Қылмыстық кодекстің 68-бабының 2-бөлігін қолдана отырып, тараптардың татуласуына байланысты қылмыстық жауаптылықтан босатылды.

 

Трансұлттық ұйымдасқан қылмыстық топтың басшылары мен қатысушылары ұзақ уақыт бойы Қазақстанның оңтүстік өңірлеріндегі халықтың әлеуметтік осал топтары арасынан 16 жастан 25 жасқа дейінгі қыздарды іздестіріп, секс-құлдыққа тартумен айналысқан.

 

ҚР ІІМ баспасөз қызметі