Қазақстанда қылмыс жасаған қытайлық Бішкекте ұсталды

02 қазан 2021, 12:28

Халықаралық іздеуде жүрген Қытай азаматы Бішкекте ұсталды. Бұл туралы Первомай ауданының ІІБ мәлімдеді, - деп хабарлайды 24kg. 

Ведомство мәліметінше, қытайлық ер адам Қазақстанда қылмыс жасап, артынша Бішкекке келген. ҚҰ ҰҚК қызметкерлері 42 жастағы ер адамға ҚР Қылмыстық кодексінің 392-бабы бойынша халықаралық іздеу жариялаған. 

 
Іс материалдары Бас прокуратураға ұсталған ер адамды экстрадициялауды ұйымдастыру үшін жіберілді. ҚХР азаматы әзірге Бішкектегі ІІББ уақытша ұстау изоляторында.