Қылмыс

Күйеуін өлтірген алматылық әйелге қатысты үкім қорғаушысын таңғалдырды

  • https://bash.news/

    https://bash.news/

Алматыда өзін қорғау мақсатында күйеуін пышақтаған әйелге қатысты сот аяқталды. Ер адам көп қан жоғалтып, нәтижесінде жедел-жәрдем келгенге дейін қайтыс болған. Күдікті ұзақ уақытқа түрмеге қамалады деп күтілген, бірақ сот шешімі айыпталушының қорғаушысын да таңғалдырған, - деп хабарлайды "Астана" телеарнасы.

 

Оқиға былтыр жазда болған. 14 жыл бойы бірге тұрған әйел адам мен оның жары екі бала тәрбиелеп отырған. Алайда олардың отбасылық өмірінде ұрсыс пен қол көтеру жиі болып, күйеуі үнемі мас болып келетін көрінеді. Кезекті жанжал кезінде әйел адам қорғану үшін қолына пышақ ала жүгірген.

 

"Мен тек қолыма түскен затпен ұрған кезде мені жіберсе деп едім. Оқиға пышақтар тұрған ас бөлмесінде болды. Мен оны ұрғым келмеді, ол қолын сермеген кезде жараланып қалған көрінеді. Жедел-жәрдем ұзақ келгендіктен оған алғашқы медициналық көмек те көрсеттім", - дейді Алматы тұрғыны.

 

Бұл уақыт аралығында күдікті күйеуін құтқарып қалмақ болған, бірақ ол көп қан жоғалтқандықтан жедел-жәрдем келгенше қайтыс болды. Алматылық әйел 8 жылдан 12 жылға дейін бас бостандығынан айырылуы керек болған. Алайда соттың үкімі мүлде басқа болып шыққан: шартты түрде бір жыл.

 

"Бұл сирек жағдай. Қорғаушы ретінде соттың әділ шешім шығарғаны үшін алғыс айтқым келеді. Бүгін әйелдерге көрсетілетін тұрмыстық зорлық өзекті мәселе. Соттың бұл шешімі енді азаматтық және қылмыстық істерде әділ шешім шығады деген сенім береді", - дейді адвокат Әсел Сұлтанмұратова.

 

Қоғам белсенділерінің мәліметінше, жыл сайын 70 мыңға жуық шағым зорлық көрсететін ер адамдарға түседі. Олар тек санаулысы жазаланатын көрінеді. Бұрын тұрмыстық зорлық әрекеті үшін ер адамдар тек айыппұлмен құтылса, енді оларды бірнеше тәулікке қамайды. Алайда тұрмыстық зорлық әрекетін жасаған ер адамның барлығын қамау мүмкін емес. Себебі оларды қамайтын орын да жоқ. Сондықтан қоғам белсенділері заңды қатаңдату оң нәтижеге әкелмейді деп санайды.

 

Тengrinews.kz 




Көрілген: 407    Пікірлер: 0

сәрсенбі, 12.02.2020, 14:03

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    сәуір
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30