What ‘ sApp мессенджерінде Қазақстанда қарақшылар тобы туралы ақпарат тарады. Олар өздерін полиция қызметкерлері деп таныстырып, пәтерге кіріп, тұрғындарды тонайды екен. Бұл шындыққа жанаспайды, - деп хабарлайды Alashainasy.kz stopfake.kz сайтына сілтеме жасап.
ҚР Ішкі істер министрлігі бұл ақпаратты жоққа шығарды.
– Аталған фактілер бойынша полицияға арыз-шағымдар түскен жоқ. Соңғы күндері көші – қон ағынының артуы елдегі криминогендік жағдайға ешқандай әсерін тигізген жоқ, – деп хабарлады ведомствоның баспасөз қызметі.
Баршаңызды әлеуметтік желілер мен мессенджерлерде арандатушылыққа бой алдырмауға және тек ресми ақпаратқа ғана сенуге шақырамыз.