Қылмыс

Миллиондаған шығын: Дүтбаевтың "туысы" бірнеше адамды тақырға отырғызған

  • Көрнекі фото: NUR.KZ

    Көрнекі фото: NUR.KZ

"АТФБанк" АҚ" Алматы қалалық филиалының проблемалық қарыздармен жұмыста қатерлер бойынша басқарманың бұрынғы бас маманы Бақытжан Дүтбаев ірі көлемде алаяқтық жасады деп күдіктелуде. Ол клиенттерді миллиондаған ақшаға алдаған деп хабарлайды "Время" басылымына сілтеме жасаған KAZ.NUR.KZ.


Күдіктінің орташа жалақысына қарамастан, шалқып өмір сүргені белгілі болды.


Ол қымбат автокөлік мініп, жиі шетелде демалып жүрген, тіпті, GGG-"Канело" жекпе-жегін жеке тамашалап қайтқан.


Тергеу мәліметі бойынша, күдікті 2015 жылдан бері қарызбен проблемасы бар клиенттерді алдап келген.


Басылымның ақпарынша, алаяқтық жасау үшін ол арнайы тәсіл ойлап тапқан: клиенттерге несиені аз ақшамен жабуға болатынын айтып, қаражатты банктегі шотқа салу керектігін жеткізген. Банк клиенттері оған сеніп, миллиондаған ақшаны кассаға емес, қызметкердің қолына беріп отырған.

Бұдан бөлек, ер адам банктің кепіліндегі жылжымайтын мүлікті немесе автокөлікті алуға ниетті клиенттер тауып отырған. Ол бұл тауарлар үшін нарықтағы бағадан төмен сома ұсынған.


Белгілі болғандай, жапа шеккендердің біреуі күдіктіге 56 млн теңге, ал тағы біреуі 555 мың доллар қаражат берген.


Клиенттердің сеніміне кіру үшін күдікті өзін ҰҚК-нің бұрынғы басшысы Нартай Дұтбаевтың туысымын деп таныстырған. Осылайша, банк қызметкерінің бұрынғы шенеунікпен тегі бір болуы оның заңға қайшы әрекет етуіне көмегін тигізген.

Алайда, ҰҚК бұрынғы басшысының шын мәнінде туысы болып келетін азамат күдіктінің үстінен полицияға арызданған. Ер адам оны 17 млн теңгеге алдап кеткен екен.


Басылымның жазуынша, күдікті жалпы алғанда, заңсыз жолмен шамамен жарты млрд теңге табыс тапқан. Алматыда аталған іс бойынша сот отырысы өтуде.


 




Көрілген: 781    Пікірлер: 0

дүйсенбі, 07.10.2019, 21:23

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30 31