Қылмыс

Шымкентте қару қолданған мектеп оқушылары сотталды

  • Фото: News.vse42

    Фото: News.vse42

Қарулы қақтығыс 9 қыркүйек күні болған. Күндізгі сағат 14:00 шамасында №38 бен №46 мектептің қос шәкірті тағы бір досын ертіп №65 мектеп-гимназиясының оқушыларымен жаппай төбелескен.

Бұл оқиғаға қатысты үкімді кәмелетке толмағандардың істері жөніндегі мамандандырылған ауданаралық соты кесті.
Куәгерлердің айтуынша, жанжал кезінде оқушылардың қолында тас қана емес, пышақ пен тапанша да болған.

Жеткіншектердің пышақтасқанын да көргендер бар. Және бір емес, бірнеше рет оқ атқанын да естіген.

Осыдан кейін 17 оқушы ұсталып, оның екеуі қамауға алынған еді. Күдіктілерден пышақ, шолақ мылтық және травматикалық тапанша тәркіленген болатын. Төбелес кезінде 16 жасар жасөспірімнің дене жарақатын алғаны да айтылды.

Енді бұл іс бойынша Үкім №65 мектептің акт залында, оқушылардың көз алдында оқылды. Сотталушының орнында №46 және №38 мектеп мектептің 2 оқушысы және тағы бір жасөспірім. Кәмелетке толмағандардың істері жөніндегі мамандандырылған ауданаралық сотының төрағасы 3 күдіктіні де кінәлі деп тапты. Үкім шығарарда олардың бұрын сотты болмағаны, өздерінің кінәсін толық мойындағаны және кәмелетке толмағандары ескерілді.

Б.Жанимановқа қатысты жеңілдетілген мән-жайларды ескере отырып, ҚР ҚК-нің 293-бабының 3-бөлігі 2-тармағында көзделген қылмыстық құқықбұзушылықты жасағаны үшін кінәлі деп танылды. Ал, Б.Алдабергенов пен Е.Тоқтасынға ҚР ҚК-ның 287-бабының 4-бөлігінде тек қана бас бостандығынан айыру жазасы қарастырылғандықтан, жеңілдетілген мән-жайларды ескере отырып, 3 жыл бас бостандығынан айырып, ҚР ҚК-ның 63-бабын қолданып, шартты түрде жаза тағайындалып, 1 жыл пробациялық бақылау белгіленді, - деді Шымкент қаласы кәмелетке толмағандардың істері жөніндегі мамандандырылған ауданаралық сотының төрағасы Дәурен Сайханов.

Айта кетейік, орын алған қылмыстық оқиға бойынша тек кәмелетке толмаған жасөсіпірім және мектеп оқушылары ғана жазаға тартылған жоқ. Істі сотта қарау барысында анықталған заң бұзушылықтарға байланысты, Шымкент қаласының полиция департаменті бастығының және білім басқармасы басшының атына жекеше қаулы шығарылды.

 Вaq.kz




Көрілген: 479    Пікірлер: 0

сейсенбі, 31.12.2019, 18:50

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    ақпан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29