Қылмыс

СҚО-да қос қарақшы жанармай құю бекетіне шабуылдап, жұмысшыны жаралады

  • СҚО-да қос қарақшы жанармай құю бекетіне шабуылдап, жұмысшыны жаралады

    СҚО-да қос қарақшы жанармай құю бекетіне шабуылдап, жұмысшыны жаралады

Солтүстік Қазақстан облысында екі қарақшы жанармай құю бекетіне шабуыл жасады. Бұзақылар кассадағы жалғыз адамды пышақпен қорқытып, бекеттегі 270 мың теңгені қолды еткен. Біз қызығы, қарақшылар шабуылдаған жанармай бекетінде күзетші болмаған. Зардап шеккен кассадағы әйел олардың екі жыл бұрын қысқартуға ұшырағанын айтады, деп хабарлайды «Астана» телеарнасы.

Ел аузындағы жанармай құю стансасы Петропавлдан 50 шақырым жердегі Соколов ауылының қасында орналасқан. Күре жолдың бойында тұрған нысанның барлық табысын сыпырып алу үшін қарақшылар тас қараңғы болғанын күткен.

Стансада күзетші болмағанын бұзақылар жақсы білген. Олар жалғыз отырған кассадағы әйелге кеңсе пышағымен қоқан-лоққы көрсетіп, ақша талап етіпті. Бірақ, 47 жастағы жергілікті тұрғын қарақшылардан сытылып шығып, көрші тұрған жанармай бекетінен көмек сұраған. Бұл уақытта бұзақылар кассада жатқан 270 мың теңгені қолды етті.

«Қарақшылар менің әжетханаға шығуымды аңдып тұрыпты. Жан тәтті, олармен күресуге тура келді. Пышақ қолым мен арқамды тіліп тастаған екен. Бірақ, қашып құтылдым. Екі жыл бұрын бізде күзетші болған еді. Оларды қысқартып тастаған», - дейді жанармай құю бекетінің жұмысшысы.

Оқиға орнына полицейлер келген кезде қылмыскерлер ізін суытып үлгерген. Тәртіп сақшылары дереу өткен-кеткен көліктерді тексерді. Екі сағаттан кейін күдіктілер де ұсталған. Олар жолды бойлай қаланы жаяу бетке алған.

«Тас жолдың бойында түнде жүрген адамдар бірден көзге ілікті. Оларды ұстап, күштеп жанармай бекетіне апардым. Қылмысқа қатысы бар екені расталды. Қазір қарақшылық бойынша қылмыстық іс қозғалды», - дейді СҚО ПД Криминалды полиция басқармасының басшысы Петр Климов.

Ұсталғандар 1991 жылғы жергілікті тұрғындар. Полиция екеуінің де жұмыссыз екенін айтты. Қазір олар уақытша ұстау абақтысына қамалған. Жанармай құю стансасының басшысына полиция қауіпсіздік шараларын күшейтуге кеңес берді.

Жалпы, жыл басынан бастап облыс бойынша қарақшылық шабуыл төрт мәрте жасалған екен. Полицейлер барлық жағдайда да қылмыстың беті бірден ашылғанын айтады.

 

 




Көрілген: 333    Пікірлер: 0

бейсенбі, 11.06.2020, 21:30

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31