Қылмыс

Түркістанда адам өлтіріп, көлік тонаған қылмыстық топ ұсталды

  • https://polisia.kz/

    https://polisia.kz/

Түркістан облысында адам өлтіріп, көлік тонаған қаныпезер топ қолға түсті, &ndash деп хабарлайды Polisia.kz.

 

Ордабасы АПБ кезекші бөліміне жергілікті тұрғын ағасының &ldquoМазда-626&rdquo автокөлігімен жұмыстан шығып, әлі күнге дейін үйге қайтып келмегені туралы арызданған.

 

Із-түссіз жоғалған адамды іздеу шаралары барысында жоғалған адамның автокөлігі Шымкент қаласының шетінен табылған. Кейіннен полицейлер жүргізушінің өртенген мәйітін Ордабасы ауданы Шұбарсу ауылының маңынан тапты.

 

Ауыр қылмысты ашу мақсатында криминалдық полиция мен тергеудің тәжірибелі қызметкерлерінен тұратын жедел-тергеу тобы құрылды. Жедел уәкілдер қылмыс орнын мұқият тексеріп, өлтірілген адамның таныстарын, олармен қарым-қатынасы мен өмір салтын зерделеді. Жақын маңдағы аумақтарды аралап, куәгерлермен сұхбаттасып, қажетті ақпараттарды жинақтады.

 

Бір аптадан кейін жедел-іздестіру іс-шараларының нәтижесінде Түркістан облысының ПД криминалдық полиция қызметкерлері, Ордабасы АПБ және &ldquoБүркіт&rdquo арнайы жасағымен бірге ішіндегі адамдардың осы қылмысқа қатысы бар деген күдікпен Жамбыл облысынан келе жатқан &ldquoВАЗ&rdquo автокөлігін ұстады.

 

Олар бұрын бірнеше рет сотталған Түркістан облысы мен Шымкент қаласының тұрғындары болып шықты. Төртеуі де жас жігіттер.

 

Тергеу барысында күдіктілердің екеуі Шымкент қаласы көшелерінің бірінде жәбірленушінің көлігін тоқтатып, белгілі бір мекенжайға апарып тастауды сұрағаны, діттеген мекенжайға келгеннен кейін қаскүнемдердің жүргізушіге пайдакүнемдік мақсатта шабуыл жасап, тұншықтырып, оның ұялы телефонын алып кеткені, ал мәйітті далаға шығарып өртегені анықталды.

 

Қаскүнемдер бұл қылмысымен тоқтап қалмай, тағы екі серіктесімен бірге Ордабасы ауданындағы тас жолда &ldquoВАЗ&rdquo автокөлігінің жүргізушісіне шабуыл жасап, 45 мың теңгелік барсетканы күшпен тартып алған.

 

Қазіргі уақытта аталған фактілер бойынша ҚР ҚК-нің 99-бабы (Адам өлтіру)  және 191-бабы (Тонау)  бойынша сотқа дейінгі тергеу амалдары жүргізілуде.

 

Күдіктілер қамауға алынды.

 

Полиция қызметкерлері ұсталғандардың басқа да осындай қылмыстарға қатысы бар-жоғын анықтап жатыр.




Көрілген: 565    Пікірлер: 0

сейсенбі, 20.10.2020, 02:06

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қараша
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30